Rradhat në banka, janë pamjet e asaj marrëzie tjetër që i thonë “distancim shoqëror” dhe që duhet transformuar në shprehjen e drejtë – distancim fizik! Duhet pra distancim fizik, kur njerzit janë në shoqëri e mbase dhe mund të flasin me njëri tjetrin, por ruajnë distancën fizike!
E rasti më i qartë është rradha që mbahet në banka, sportelet dhe automatet e tyre! Dola për të bërë punën e gazetarit, atë punë që në fund të fundit, i ka mbetur demokracisë së përkulur jo vetëm me dashje politike në Shqipëri, jo vetëm me dëshirën e pozitës dhe opozitës në marrëzinë politike në Shqipëri, por dhe mbetjes së demokracisë nga koronavirusi si Pandemi! Shkodra është qytet me mbi 130.000 banorë dhe po ti shtosh dhe periferitë e saj kalojnë 215.000 banorët si Bashki që në fakt shumicën e tyre në veprime bankare janë te “Raiffeisen Bank”! Sigurisht në të gjitha bankat e Shkodrës kishte rradha, por “Raiffeisen Bank” kishte veçorinë e fajshme të mos funksionimit të të gjithë sporteleve të saj përveç atij në qendër dhe sigurisht automatit larg te policia!?
Kjo tani është e pa falshme dhe padyshim unë i regjistrova si me video dhe foto, pikërisht dy nga sportelet që nuk punonin dhe ishin jashtë pune! Patjetër që automatet do të largonin turmën përpara të vetmes mënyrë për të marrë lekët e tyre njerzit që janë nën regjim daljeje, janë nën stres nga kontrollet e policisë dhe kërcënimet për burg dhe gjobë duke qënë se nuk kanë më shumë se 90-të minuta për të bërë si pazarin dhe pastaj për të marrë lekët në bankë! E kam fjalën lekët e tyre që Raiffeisen Bank jua mban dhe i shpërndan duke i detyruar të qëndrojnë me orë të gjata në kohë Pandemie! Në fakt, është turp dhe këtë turp e pashë në shumë banka, sepse rradha tashmë është një obligim distance dhe shumë mirë kështu që dhe ne të futemi si shoqëritë e zhvilluara në zbatim të vijës së diskrecionit dhe distancës fizike!
Po po, si në epidemi dhe kur nuk ka epidemi! Por një bankë që ka më tepër se gjysmat e parave të shqiptarëve të ketë vetëm një vend ku një qytet i madh si Shkodra të marrë lekët e saj, kjo është padrejtësi dhe për më tepër edhe ato automatë që ke në qytet i bën të mos funksionojnë! Tashmë nuk është një gabim por faj në kohë emergjence dhe pandemie! Arrogancën e Raiffeisen Bank duhet ta mbyllë qeveria shqiptare në qoftëse i ka të vërteta fjalët përkujdesëse për shtetasit e vet! Nuk mund të lejosh interesat dhe të një banke sado e fuqishme të jetë të dhunojë kështu edhe fizikisht ato qytetarë shqiptarë që e mbajnë me lekët e tyre pikërisht bankën!? Është faj, plotësisht faj dhe arrogancë në ditë të vështira Pandemie! Nesër, mbase mund të ekzagjerohen në kuvend dhe aprovojnë një ligj që fut shqiptarët 15-të vite në burg pse ju është marrë fryma në shtëpi dhe dalin në rrugë duke u akuzuar si vrasës! Pyetja del e qartë: po një bankë që lë vetëm një sportel për një qytet të madh – çfarë bën?! Apo interesat janë kaq lart sa që pastaj nuk ka më rëndësi jeta e shqiptarëve! Apo jo?! Duhet që ti detyrush dhe qeveritarët të mbajnë rradhë, mos tju treprojnë lektë dhe pastaj të ndjejnë se si i presionon një bankë për lekët e tyre! Kaq nga dy orë rradhë në banka që nuk mbajnë kurrë dhe sqarohen se çfarë bën një bankë në kohë korone! Ose shohin si transformohet banka në – koronaffeisen! /Sot/NGA BESI BEKTESHI
