Policia gjermane thotë se më shumë se njëqind njerëz janë arrestuar në protesta kundër masave kufizuese të vendosura për të parandaluar përhapjen e koronavirusit, pasi disa nga mitingjet të jashtëligjshme me ekstremistë të djathtë te mbajtura të shtunën u shndërruan në dhunë.
Policia e Berlinit thotë se 86 persona janë arrestuar pasi u hodhën shishe tek oficerët e policisë gjatë një demonstrate në Alexanderplatz, një shesh i madh qendror në ish-Berlinin Lindor. Dy oficerë policie u plagosën para ndërtesës së Reichstag gjatë së cilës u ndaluan 45 persona.
Në Dortmund, policia tha se një burrë sulmoi një staf televiziv gjatë një proteste, sulmi i tretë i tillë në Gjermani në dy javë. Theksohet se sulmuesi 23-vjeçar u arrestua.
Policia në Këln ka shprehur zemërim se disa protestues të qytetit kanë detyruar blerësit të heqin maska mbrojtëse kur hyjnë në dyqane.
“Duket se këta njerëz ende nuk e kanë kuptuar se nuk bëhet fjalë vetëm për shëndetin e tyre, por edhe për jetën e të tjerëve”, tha policia e Këlnit.
Megjithë lehtësimin gradual të masave kufizuese gjatë javëve të fundit, protestat kundër tyre kanë shpërthyer papritmas, duke mbledhur grupe të ekstremit të djathtë dhe njerëz që besojnë se virusi koronar është i padëmshëm ose pjesë e një komploti global.
Organizata Botërore e Shëndetit (OBSH) shpalli një “pandemi globale” më 11 mars për shkak të përhapjes së virusit të koronës. Përveç Evropës, OBSH ka shpallur Shtetet e Bashkuara epiqendrën e re të pandemisë së virusit koronar, e cila u shfaq për herë të parë në fund të vitit të kaluar në qytetin kinez Wuhan.
Më shumë se 279,400 njerëz kanë vdekur nga covid-19 në të gjithë botën, dhe më shumë se 4.1 milion raste të infeksionit koronavirus janë konfirmuar në më shumë se 185 vende, sipas të dhënave nga Universiteti Amerikan Johns Hopkins. Deri më tani, më shumë se 1.4 milion njerëz janë rikuperuar.
