Nga Anri Bala
Me insistimin e Greqisë, të vetëmet kushte që ka Shqipëria për anëtarësimin në Europë, janë vetëm ato kushte që qeveria shqiptare, nëse do i zbatonte, do bënte tradhëti kombëtare, e me aktin e tradhëtisë, kurrë mos hyfshim në Europën e ku*vanisë.
Me rezolutën e Parlamentit Europian, BE kërkon ndaj Shqipërisë, vijimin e procesit të integrimit:
1- Trajtim më dinjitoz të minoritetit grek dhe përmirësimin e statusit të tyre.
2- Garantimin ligjor të së drejtës së vetëvendosjes së anëtarëve të minoritetit dhe pakicave kombëtare.
3- Miratimi përpara fillimit të një dialogu mbi ligjin e ri për procedurat e regjistrimit, të drejtat pronësore të anëtarëve të minoritetit grek dhe në përgjithësi zbatimin praktik të të gjitha të drejtave, duke iu referuar Ligjit për Minoritetet e Shqipërisë, përmes nxjerrjes së ligjeve në fuqi.
4- Mes Shqipërisë dhe Greqisë, duhet të jenë zgjidhur përfundimisht çështje të rëndësishme të mbetura pezull, siç është ajo e përcaktimit të kufirit detar.
Gjithçka, është një shantazh dhe poshtërsi, sepse flitet vetëm për një minoritet, atë grek, duke anashkaluar se në vendin tonë jetojnë disa minoritete, të cilët gëzojnë të gjitha të drejtat, njësoj si ato greke dhe kurrë nuk janë ankuar për diskriminim.
Funksionimi i Gjykatave, SPAK, Reformës Zgjedhore, Reformës në Drejtësi, janë detyrime për një shtet të vërtet ligjor, për të ndryshuar e futur në binarë një bordello shtet, që na e lanë “peshqesh” zorraxhinjtë e partive me arsim qoftesh dhe diplomë kioskash, që sot çdo qytetari duhet t’i vijë turp, se si i ka lejuar të ngjiteshin deri aty në majat e pushtetit… për të udhëhequr. Por shtimi i këtyre kushteve është i dhibmshëm dhe bëhet edhe poshtërues, duke na kërkuar të shesim vendin greko-skllevërve,të ngulur në trojet tona.
Nëse do pranojmë, që në Shqipëri minoriteteve u shkelen të drejtat, atëherë na lind e drejta të sillemi ashtu siç janë sjellë grekët me minoritetet si anëtarë të BE-së, e meqënëse Parlamenti Europian kërkon njohjen e vetvendosjes së minoriteteve, na lind e drejta e kërkesës së llogarisë: A do ia kërkoi, e a do guxonte t’ia kërkonte edhe këtë gjë Greqisë, që ka shtatë minoritete pa asnjë të drejtë, që në fakt janë mazhoritete në atë vend?! Sigurisht që jo… kurrë!
Mund të ketë njerëz, që për një arsye apo tjetër, kanë mësuar të flasin greqisht apo duan të hiqen si minoritar, sepse zotërojnë një gjuhë të huaj, por kjo nuk mund të krijoi minoritet fiktiv dhe me kërkesë të kujt… të shovinistëve grek, që pas shumë polemikash dhe ultimatumesh, mezi pranuan të njohin një minoritet mysliman në Thrakë.
Minoriteti grek, i ardhur në Shqipëri forcërisht në kohën e perandorisë osmane, si argat të paguar nga bejlerët… me toka, pothuajse të gjithë me origjinë vllehe (arumun të greqizuar gjatë 1900), që jetojnë në zonën e Vurgut dhe Dropull dhe njihen si minoritarë, që në qeverinë e parë të mbretit Zog.
Ndërsa palaçot e të gjithë llojeve, që gëlojnë si milingonat pas pushimit të shiut, vunë kujën, për të na njoftuar gjëmën: se që të bëheshim ato që jemi… shumë më europian se ato që na presin, duhet të plotësonim 15 kushte duke gëzuar e mashtruar vetveten për 3 kushtet shtesë.
Kushte janë këto dhe të rënda, dhe e keqja më e madhe është, sepse këta nuk kanë asnjë ndjenjë shqiptarie dhe atëdhetarie, ndjenja që nuk t’i jep e t’i merr analfabetizmi politik, por degradimi moral.
Këta bëjnë moral, gëzojnë për asgjë, fëshkëllejnë kur Shqipërisë i bëhet padrejtësi edhe nga Europa apo edhe nga “miqtë” e familjes Europiane të mbushur me armiq antishqiptar dhe me ksenofob racash, besimesh e ngjyrash. Kjo është poshtërsi dhe duhet të mos lejohet që të rritet, sepse disa rrugeçër të ngelur pa pushtet, që në fakt e falën si mallin e botës, të mos bëjnë të njëjtën gjë edhe me Shqipërinë… që nuk është e tyre.
Nëse Europa e ka seriozisht, që kërkon që Himara mund të vetëshpallet minoritet dhe të kërkoi deri vetëvendosje, kjo vërtet është një urë zjarri për t’i vënë flakën Shqipërisë, vetëm për t’i bërë qejfin krijesës së saj bastarde… Greqisë. Në këtë moment, Europa më duket si “kurva e motit” e Gjergj Fishtës;
Uh! Europë, ti kurva e motit,
Qi i re mohit besës e Zotit,
Po a ky a sheji i gjytetnís:
Me da tokën e Shqypnís
Për me mbajtë klysht e Rusís?
Po ti a kshtu sod na i perligje
Njata burra qi m’ kto brigje
Për tý vehten bâne flije
Kur ti heshtshe prej ligshtije?
Një pështym në surrat për prostitutat e politikës që përmendnin ish-kushtet dhe nuk
përmendnin kushtet-pushte të Europës, që për të shtuar tre kushtet greke, përsëriti dhe 12
kushtet e Bundestagut.
Një këshillë për qeverinë e momentit: Mos guxoni t’i plotësoni me ligj këto kushte, sepse kurrë asnjë shqiptar, nuk do të pranonte të hynte në Europë, duke shitur vendin. Tradhëtia u bë njëherë nga Pensionisti dixhital dhe Tulipani Holandez, e nëse i falët ju si miq që i kishit, populli nuk do a’u fali! Do paguani shtrenjtë, jo për një po për dy tradhëti… edhe të tyren!/Ekskluzive.al
