Karmina u befasua sot nga deklarata e Lulit, i cili tha se ambasadorët e huaj i kishin thënë se kufijtë me Europën nuk do hapen.
Në një postim për fansat e saj, Karmina shkruan:
“Unë nuk dua të merrem me politikë, por këtë radhë nuk e shmang dot.
Siç ka thënë Merlin Monro, edhe kur nuk merresh ti me politikë, merret politika me ty.
Dhe këtë radhë kështu po ndodh.
Europa nuk na i hapi prap kufijtë.
Prisja shumë të shkoja këtë uikend në Austri, por nuk mundem.
Më mungojnë Vjena dhe Parisi prej muajsh.
Dua ta takoj Lulin nga afër të marr më shumë informacion.
Ndoshta mund të ketë lëshime, për ne që nuk kemi faj pse janë shtuar rastet.
Ndoshta nëse ua shpjegoj pozitën time si blogere e izoluar më japin mundësi të lëviz.
Kam kaq muaj që rri brenda Shqipërisë dhe kam humbur shumë nga profesioni im.
Postimet me gjëra nga Shqipëria nuk të japin like.
Njerëzit duan Vjenën, Parisin, Malibun.
Nga Farka sado që postoj foto të bukura, nuk ka like.
Por siç ka thënë Merlin Monro, e rëndësishme është të besosh se do mbërrish një ditë në majë dhe jo të ankohesh që je në fund të malit.
Dhe unë shpresoj se një ditë kufijtë do hapen.
Ndoshta kur të vijë Luli në pushtet.
Deri atëhere duhet të rezistojmë”.
