Berat Buzhala, i cili u prek nga COVID-19, u ka bërë qytetarëve thirrje, që të tregohen solidarë dhe të respektojnë masat mbrojtëse ndaj virusit, për të parandaluar shtimin e rasteve.
Në një postim në Facebook, ai ka treguar situatën dramatike brenda Klinikës Infektive të Prishtinës, ku thotë se viktimat largohen nga shtretërit dhe zëvendësohen menjëherë nga të tjerë.
Sipas tij, mjekët po bëjnë përpjekje mbinjerëzore, por duhet edhe kontributi i qytetarëve për të kaluar situatë. Ndër të tjera Buzhala ka kërkuar nga qeveria që të marrë masa radikale.
Postimi i plotë:
Te dashtun shoke dhe shoqe,
Me 25 mars te vitit 1999, nje dite pasiqe NATO pat fillu me sulme ndaj Serbise, me kujtohet, na, do kusheri, ia patem shtru çajit rus, anipse tenkat serbe na e dridhshin token nja 3 kilometra ma tutje, ne Kjeve.
Ato aviteshin drejt nesh, e na i perzijshim çajat edhe ma tutje. Kemi ike ku koken kambet vec ne momentin kur kane kersite granatat e para mbi kulmat e shtepive tone.
Mbrame kam qene ne infektive deri vone (kjo informate eshte per juve qe po kerkoni qe jeta me u zhvillu normalisht) edhe situata atje eshte DRAMATIKE. Shtratin e nje personi te vdekur nje ore me pare e pushton nje tjeter qytetar i joni qe kerkon tretman urgjent.
Qaj grusht i motrave dhe mjekeve qe gjenden ne vijen e pare te frontit po bejne perpjekje mbinjerezore qe se paku me i njofte krejt pacientat.
Na duhmi me e kuptu nje gja, e sa ma shpejt aq ma mire, ky vit eshte vit i humbun. Mos te krijojme iluzione. Ky eshte vit i mbijeteses e jo vit i krijimit te fitimit dhe vit i kenaqesise.
Qeveria duhet me qene RADIKALE NE MASA, kurse qytetaret duhet me qene lojal dhe te bindun ndaj vendimeve. Na duhet me qene solidar me njani tjetrin. A po don qe ti me pase dasem e kojshia yt vdekje?
Eshte momenti i FUNDIT me e tejkalu veten, qe qeveria me e marre situaten nen kontroll, qe secili prej nesh me marre rol pozitiv, e jo me qene shkaktar ne degradim te gjendjes shendetesore.
Tenkat jane ne Kjeve, e na jemi tuj pi çaj te rusit.
Situata në Kosovë vijon të jetë dramatike, teksa në 24 orët e fundit humbën jetën nga COVID-19 edhe 4 pacientë të tjerë. Ndaj Klininës Infektive në Prishtinë ndërkohë ka nisur një hetim, pasi dyshohet se pacientëve u është ndërprerë oksigjeni qëllimisht.
Share on FacebookTweet about this on TwitterShare on LinkedIn
