Arbana Osmani emocionohet për dedikimin e Ramës ndaj nënës së tij: "Mund të derdhësh lot pse iku, Ose mund të buzëqeshësh sepse jetoi."

Moderatorja Arbana Osmani është emocionuar për dedikimin që kryeministri Edi Rama ka bërë së fundmi për nënën e tij.

Prezantuesja e ka shpërndarë postimin e Ramës në profilin e saj në Instagram, ku shkruan se është një nga dedikimet më emocionuese që ajo ka lexuar ndonjëherë.

“Një nga dedikimet më të bukura që kam lexuar ndonjëherë për nënën”, shkruan Arbana, teksa riposton statusin e Ramës, që është si më poshtë:

Mund të derdhësh lot pse iku, Ose mund të buzëqeshësh sepse jetoi. Mund të mbyllësh sytë e të lutesh që të kthehet, Ose mund t’i hapësh e të shohësh gjithçka të ka lënë. Zemra jote mund të jetë bosh sepse nuk e sheh dot më, Ose ti mund të jesh plot me dashurinë që ndave me te.

Mund t’ia kthesh shpinën të nesërmes dhe jetosh në të djeshmen, Ose mund të jesh i gëzuar me të nesërmen për çka ishte e djeshmja me të. Mund ta kujtosh atë vetëm për ikjen e saj. Ose mund të kujdesesh për kujtimin e saj që ajo të jetojë në të. Mund të qash e të mbyllesh në vete, bosh e me kurriz nga bota. Ose mund të bësh atë që nëna do të donte: Të hapësh sytë, të qeshësh, të duash dhe të ecësh përpara…

Edhe në emër të familjes sonë lejomëni t’ju falenderoj përulësisht, për praninë tuaj të paçmueshme përmes mesazheve të pafundme e luleve të panumërta, që disi e lehtësuan peshën ndrydhëse të boshllëkut tonë të pangushëllueshëm.

Duke ju kërkuar një ndjesë të thellë për të qenit i pamundur t’ju përgjigjem, ju uroj me shpirt të gjithë atyre që jetojnë me këtë boshllëk, të rrojnë sa më gjatë që ta kujtojnë nënën e tyre dhe të tjerëve që kanë fatin ta kenë pranë yllin e shtëpisë, t’i kenë nënat sa malet dhe t’i gëzohen sa më shumë dritës së tyre, të pakonkurrueshme as nga dielli e nga vetë yjet e qiellit.

Arbana Osmani emocionohet për dedikimin e Ramës ndaj nënës së tij: “Mund të derdhësh lot pse iku, Ose mund të buzëqeshësh sepse jetoi.”

Kur degjenerimi dhe babëzia nuk njohin asnjë kufi!

Ylli Ndroqi në polici, avokatët: E ndaluan në rrugë dhe i morën ‘Benzin”, ky është një sulm politik që i bëhet Zotit Ndroqi

Rritet bilanci i të prekurve me Covid-19: Humbin jetën 6 persona, MSH jep të dhënat në 24 orët e fundit

“Pa emër” me Anri Bala, Ermal Peçi dhe Marsid Gupi

Welcome Back!

Retrieve your password