Për skandalin tashmë të zbardhur nga drejtësia italiane, se ishte një përpjekje për të rrëzuar qeverinë shqiptare, duhet kuptuar konteksti politik dhe ai mediatik në kohën kur shpërtheu.
Pas skandalit që gazeta italiane “Il Fatto Quotidiano”, publikoi dy ditë më parë, mbi fushatën denigruese ndaj qeverisë së kryeministrit Rama, ku përfshihej ish-senatori Sergio De Gregorio i arrestuar tashmë dhe këshilltari i Ilir Metës, Ilir Kulla, mësohet se në këtë fushatë është shfrytëzuar edhe “Nisma Thurje” .
Ilir Kulla duhet të jetë subjekt i SPAK, sepse sipas prokurorisë italiane e sipas përgjimeve të publikuara nga mediat italiane, ish-senatori De Gregorio ka marrë 55 mijë euro borxh nga një person me emrin Eraldo Barletta, dhe 30 mijë euro i ka kaluar Ilir Kullës. 25 mijë euro të tjera i investoi vetë.
Sipas italiane Ilir Kulla, ka angazhuar ish-senatorin De Gregorio, për të organizuar një fushatë shpifjesh, gjoja se në Shqipëri po vijnë mbetje kimike nga Italia, me qëllim rrëzimin e Edi Ramës.
‘Bazuar në atë që doli nga përgjimet, Kulla i kishte dhënë një ‘mandat’ De Gregorios, për të organizuar, përmes njohjeve të tij dhe mjeteve të komunikimit në dispozicion të tij, një fushatë shpifjesh në shtyp për qeverinë shqiptare, e cila do të provokonte rënien e saj ‘, shkruan gazeta italiane.
Por Ilir Meta me Kullën e tij e kanë mirëorganizuar intrigën e tyre, duke futur në lojë dy drejorë e AKBN-së të larguar për vjedhje dhe korrupsion por të kthyer në mjeshtara intrigash dhe dhe laj,esh të rreme si përfaqësues të shoqërisë civile me OJQ “Nisma Thurje”
Gazeta ‘Tema’ pretendon se përmes deklaratave dhe qëndrimeve, drejtuesit e “Nismës Thurje” janë përpjekur të ndikojnë në opinionin publik duke propaganduar dhe shpërndarë fake-news-et e prodhuara për ardhjen e mbetjeve kimike nga Italia në Shqipëri.
Gjithashtu, mësohet se ‘Nisma Thurje’ ka ripublikuar për ditë me radhë materialet e fabrikuara për të ngjallur panik në publik, duke pretenduar ardhjen e 1300 kontejnerëve me mbetje në Shqipëri.
Një nga ata që i jepte peshë këtij lajmi ishte edhe vetë drejtuesi i ‘Nismës Thurje’ Besjan Pesha.
“Industria e riciklimit mund të mjaftohet vetëm me lëndë vetëm përmes administrimit të mbetjeve tona të brendshme duke hapur kështu edhe vende pune. Falë presidentit ligji u kthe dhe vazhdon të jetë aty, në Kuvend. Por tashmë vjen lajmi se 1300 kontenierë me mbetje radioaktive kanë hyrë në Shqipëri. Sot e shoh tek CNN dhe më shqetëson edhe më shumë sepse bëhet fjalë për të ardhmen e djalit tim, fëmijëve tanë.
Kto mbetje nesër do të degradojnë në ujëra nëntokësore duke përfunduar në toka bujqësore dhe më pas tek ushqimi në pjatat tona”, thoshte Pesha lidhur me lajmet e fabrikuara me qëllim denigrimin e qeverisë “Rama”.
Në skandalin e zbuluar nga gazeta italiane “Il Fatto Quotidiano” shpjegohet se “Bazuar në atë që doli nga përgjimet, Kulla i kishte dhënë një ‘mandat’ De Gregorios, për të organizuar, përmes njohjeve të tij dhe mjeteve të komunikimit në dispozicion të tij, një fushatë shpifjesh në shtyp për qeverinë shqiptare, e cila do të provokonte rënien e saj”.
