Ndërkohë që është ende e ‘nxehtë’ çështja e detit, ministri i Jashtëm Grek Nikos Dendias do të vijë nesër në Shqipëri ku do të takohet me homologun e tij.
Mediat greke shkruajnë se në qendër të diskutimeve do të jetë çështja e zgjidhjes së kufijve detarë.
“Çështja është pezull që nga viti 2009 kur të dy vendet nënshkruan marrëveshjen, e cila më vonë u anulua nga gjykata kushtetuese shqiptare. Nikos Dendias vizitoi Kosovën javën e kaluar dhe, ndër të tjera, u përpoq të hetojë me udhëheqjen e kosovarëve shqiptarë nëse çështja Zonës Ekskluzive Ekonomike mund të vazhdojë normalisht me Shqipërinë, pa ndërhyrjen e Turqisë”, shkruajnë mediat greke.
Në axhendë është përcaktuar se Dendias fillimisht do të takohet me ministrin e jashtëm në detyrë Gent Cakaj në Ministrinë e Jashtme.
Më pas, ministri i jashtëm i Greqisë dot ketë një takim në Kryeministri me homologun shqiptar Edi Rama, ku pas takimit do të ketë edhe një konferencë të përbashkët për shtyp.
Gjithashtu pritet të ketë edhe një takim me Presidentin Meta.
