Ish-këshilltari i Donald Trump, Steve Bannon, thotë se presidenti ka pasur një fitore ‘dërrmuese’ në zgjedhjet e 3 nëntorit, duke shtuar se CEO-ja i Twitter-it, Jack Dorsey, duhet arrestuar për censurimin e postimeve të presidentit Trump mbi mashtrimet e mundshme të votuesve.
“Ata po rrëzojnë presidentin e Shteteve të Bashkuara” – tha Bannon në një nga episodet e fundit të podcastit të tij ‘War Room: Pandemic’, me fatin e zgjedhjeve ende të panjohur.
Ai vazhdoi duke thënë se Dorsey po ndërhyn në zgjedhje duke censuruar postime nga presidenti, duke pretenduar se akuzat e Trump-it për manipulimin e zgjedhjeve, janë të pavërteta.
“Presidenti i SHBA-së, duhet të thërrasë menjëherë kryeprokurorin e vendit, Bill Barr dhe të dërgojë marshallët (US Marshalls) të arrestojë Jack Dorsey-n sot, sot.
Unë e thashë këtë gjë dy javë më parë dhe e dija se ky çast do vinte. Kur ndonjë punk si Jack Dorsey do të heqë dhe shtypë fjalën e lirë të komandantit të përgjithshëm” – tha Bannon.
