Çështja e futbollistit afrikan Winful Cobbinah, duket se po kthehet në diçka komike, përveç anës serioze të shkeljeve presidenciale.
Pasi Ilir Meta i dha shtetësinë shqiptare duke shkelur çdo ligj të mundshëm vetëm pak javë më parë, si “pasuri kombëtare”, Cobbinah ka vendosur të largohet nga Shqipëria.
Sipas mediave në Ganë, nga dhe është “shqiptari” Cobbinah, ai do të transferohet në një ekip të huaj, jashtë Shqipërisë.
Kjo pranohet dhe nga vetë zyrtarët e klubit të Tiranës.
Sipas tyre, Cobbinah është i shqetësuar pas vendimit të Gjykatës, që e dënoi atë me 4 muaj burg, dhe më pas duke ia konvertuar dënimin me 100 orë punë të detyruar, për shkak se kishte falsifikuar dokumentet e qendrimit në Shqipëri.
Gjë që Ilir Metës i kishte “shpëtuar” kur i dha pasaportën shqiptare.
Pas këtij skenari ndërkohë, nuk përjashtohet edhe mundësia që Ilir Meta të mos ketë qenë duke i bërë nder Tiranës kur i dha pasaportë shqiptare Cobbinah, por xhepit të vet, pasi me një pasaportë shqiptare Cobbinah do ta ketë më të lehtë për të luajtur në klubet e tjera në Europë, ndryshe nga pasaporta ganeze që kishte.
