Krydemokrati Lulzim Basha ka goditur sërish me gafat e tij në matematikë. Gafa e tij e fundit ka shkaktuar shumë të qeshura në rrjete sociale, pasi në asnjë mënyrë nuk mund të përfshihet numri 8 tek 4-a.
Gjatë aktivitetit të zhvilluar ditën e sotme në kuadër të ditës së rinisë, 8 Dhjetorit, Basha është shprehur se Shqipëria ka shënuar 8 vite të humbura gjatë këtyre 4 viteve.
“8 vite të humbura në këto 4 vite” – është shprehur Braçe. Për këtë ka reaguar dhe zëvendëskryeministri Erion Braçe duke publikuar videon me gafën e demokratit.
Ai thotë se 30 vite kanë humbur duke i mësuar Bashës aritmetikën. Duke e ironizuar, Braçe bën një paralelizëm me paratë.
“8 mln euro nuk mund hyjnë kurrë në 4 mln euro. Duhet që 4-ës ti shtojmë një 0 nga prapa që të shkojë në 40 e që bën të mundur që 8 të hyjë 5 herë tek 40.
Pra akoma më thjeshtë: Të duhen 8 vjet që duke vjedhur 5 milion euro çdo vit, në 2013-ën të kesh 40 milion euro plaçke e parë” – thotë Braçe.
Lulzim Basha dhe PD përkujtuan sot 8-dhjetorin, Ditën e Rinisë, përmes një aktiviteti, i cili tërhoqi vëmendjen për luksin që edhe parti të mëdha të vendeve më të pasura do ta mendonin gjatë, në një periudhë të tillë të krizës për shkak të COVID.
Basha, teksa e ka përqendruar diskursin e tij politik të kohëve të fundit në ‘varfërinë ekstreme ku gjenden shqiptarët’, është shfaqur sot në një aktivitet të organizuar nga FRPD, i rrethuar me dhjetëra ekrane gjigante LED rreth 400 m2.
