Voltana Ademi ka reaguar pas editorialit të botuesit të gazetës TemA, Mero Baze.
Sipas saj, po sajohen mesazhe për të treguar përfshirjen e saj në aktet e dhunshme në Shkodër.
Vetë botuesi Baze i është përgjigjur se nuk është turp të mërzitesh kur digjet një qytet, qoftë edhe nëse nuk është yti.
“Voltana Ademi paska reaguar ndaj shkrimit tim dhe më “ngushëllon” që jam mërzitur pse është djegur Shkodra.
Vetë ngjante e gëzuar nga reagimi.
Në fakt nuk është ndonjë turp të mërzitesh pse shkatërrohet një qytet, edhe pse nuk është qyteti yt.
Turp është të udhëheqësh djegien e qytetit për të “mërzitur” armikun.
Mua më mërzit kollaj qoftë dhe duke të parë ty.
S’ka nevojë të shikoj Shkodrën e djegur prej ty”, thotë Baze në reagimin e tij.
