Kryeministri Edi Rama ka shpjeguar arsyen e vendosjes së fjalës “vdekje aksidentale” në dokumentin e qeverisë për t’i dhënë familjes së Klodian Rashës një pension.
Rama u pyet nga gazetarja se përse përdori një term të tillë në një dokument qeverie, në një kohë që gjykata akoma nuk ka dhënë një vendim të prerë për vrasjen e 25-vjeçarit nga efektivi i policisë Nevaldo Hajdaraj.
“Edhe unë po të mos isha kryeministër, do të kisha dalë në protestë”, Rama flet hapur për shkakun e vërtetë të largimit të Sandër Lleshajt dhe vendimin për Ardi Veliun: Atë djalë e vrau arma e shtetit!
A morët rolin e gjyqtarit në vrasjen e Rashës?
“Kjo është një nga çorbat që keni bërë ju. Një çorbë që ka trazuar shpirtrat e njerëzve për shkak të, ose të qëllimit të keq, ose të padijes.
E para njëherë nuk është akt normativ. Është një vendim qeverie. Nuk kam marrë përsipër të bëj rolin e gjykatës, është përdorur një term juridik teknik për të përcaktuar arsyen e dhënies së pensionit dhe është thënë aksidentalisht nga veprimi i forcave policore, Që do të thotë se personi që humbi jetën tragjikisht nuk ka qenë objekt i ndonjë misioni policor, por ka humbur jetën në kushte të një përplasje aksidentale.
Kjo nuk përcakton që personi është vrarë me një plumb që ka ardhur nga qielli, kjo thjeshtë përcakton se humbja e jetës është rezultat i një përplasje aksidentale, pastaj në këtë përplasje aksidentale që nuk ka qenë pjesë e një operacioni, i lidhur me një zinxhir komode. Pikërisht për të mos marrë përsipër një dhënie mbi gjykatën, por thjesht për të dhënë atë kontribut, atë pension, që është shprehje solidariteti me familjen, është shprehje se di ne e kuptojmë këtë detyrë, kur themi që ti nuk, do të jesh kurrë vetëm.
Kjo nuk ka lidhje me aksidentin në kuptimin e së vendosjes së një fjalë për çështje gjyqësore. Po të ishte aksident që i erdhi një plumb nga një aksion policie nuk do të merrte pension. Këtu është pjesëmarrja e shtetit dhe e qeverisë në këtë dhimbje, e cila filloi me një ndjesë dhe e cila vazhdon në hap tjetër që nuk e sjell në jetë më fatkeqin, por që sidoqoftë shpreh në mënyrë simbolike të qenurit pranë prindërve të tij”,- tha Rama.
