Arkimed Lushaj i njohur me emrin artistik si “Stresi”, teksa flet nga arratia për shkak të udhëheqjes së turmave drejt dhunës ndaj institucioneve, është shprehur se po përndiqet nga kryeministri dhe qeveria.
I shpallur në kërkim pasi ka shfrytëzuar dhe të miturit për dhunë në protestën e organizuar pas vrasjes së Klodian Rashës nga ana e një efektivi policie “Stresi” thotë se duan ta rrahin, por më 25 prill do t’i shfarosi nga faqja e dheut këto qeveritarë.
“Që ta dijë i gjithë populli shqiptar përse po përndiqem prej policisë është vetëm prej kryeministrit.
Një kryeministër që merret me një person dhe që ka shtetin në dorë është shumë e lehtë.
Por mos harro ka me ardhur dita e 25 Prillit dhe ka me ua kthye dhe kemi me ju shfaros prej tokës ditën e zgjedhjeve. Mbajeni mend, kemi me ju shfaros o komunista.
Unë nuk i kërkoj falje askujt. Kur të jem gabim kërkoj falje siç i ka hije burrit dhe djalit.
Unë i kam vëllezërit e mi nëpër çdo cep të Shqipërisë dhe kanë me dalë për çdo protestë si me qenë dhe unë aty.
Arkimed Lushaj nuk është tërhequr prej kauzës së vet. Me dasht kthehem kur të dua se nuk i kam bërë asgjë askujt, por kam informacionet e mia se si është duke më përndjekur policia”, thotë Stresi në Instagram.
