Kreu i Partisë Demokratike, Lulzim Basha ka zhvilluar një takim drejtuesin e Portalit Studentor, Gevio Tabaku në fokus të së cilit ka qenë arsimi, COVID-i, protestat dhe rinia.
Basha ka ripërsëritur premtimet e tij se me ardhjen e tij në pushtet do të anulojë ligjin për arsimin e lartë, teksa ka ripërsëritur edhe pikat në programin e PD-së, sa i takon arsimit.
Kryedemokrati tha se 100% e tarifës së studimit do mbulohet nga shteti për studentët nga familjet me të ardhura nën 640 mijë lekë të vjetra në muaj; 50% e tarifës për studentët nga familje me të ardhura ndërmjet 640 mijë dhe 1,280 mijë lekë të vjetra në muaj
“Një bashkëbisedim krejt i veçantë me drejtuesin e Portalit Studentor, Gevio Tabaku rreth arsimit, pandemisë, protestave dhe çështjeve me interes për rininë.Qeveria jonë do të anulojë ligjin aktual të arsimit të lartë.
Në ligjin e ri të arsimit, arsimi i lartë do ketë vëmendje maksimale, mbështetje financiare që asnjë i ri shqiptar mos të mbetet pa arsim për shkak të pamundësisë ekonomike.
Nga programi ynë për arsimim, veçova: 100% e tarifës së studimit e mbuluar nga shteti për studentët nga familjet me të ardhura nën 640 mijë lekë të vjetra në muaj; 50% e tarifës për studentët nga familje me të ardhura ndërmjet 640 mijë dhe 1,280 mijë lekë të vjetra në muaj”, tha Basha.
