Jo oj zemër, unë s’kam lyp bukë në luftë, kur kam qenë duke vdekur urie (kam qindra dëshmitarë që të tjerët kanë lyp bukë edhe për mua, dhe më kanë shpëtuar, se sa për mua, të varej prej meje, do të kisha vdekur urie), e po lypi vota. Shkruan Kimete Berisha
Çka m’u keni gju’ !
Nuk është problemi që m’u keni gju’, por problemi është se ‘s’po ju ndjej’!
Për mua ‘joshës’ është veç truri, e unë tru s’po shoh.
Unë mund ta shtoj dozën e të vërtetës e të bëhem e keqe.
Për shembull, të tregoj se pas luftës më 2001, po e renovoja banesën e blerë më 1999, dhe një ditë, mjeshtri që punonte laminatin te unë, më kërkoi falje që i duhej për pak të pauzonte që të shkonte te shtëpia e Rugovës për t’ia dërguar 1,000 Marka.
Më tregoi se për çdo muaj e ka për detyrë t’ia çonte njëmijëshin.
Kur e pyeta a nënshkruan dikund kur i dorëzon paret, tha Jo, se më njohin. Shkoi, i dorëzoi paret duke i përbiruar te gilinderat e shtëpisë së Rugovës dhe u kthye i lumtur në banesën time.
A më shumë kam punuar unë a çika e Ibrahim Rugovës! Nuk e kuptoj pse Ajo i ka një milionë euro, e unë s’i kam 3,000 Euro, me doganu një kerr t’vjetër prej Gjermanisë.
E ti Isa Mustafa, ty të kam xhan, o Romeo, o Don Zhuan, o tagrambledhës i 3 për qindshit, o dinamit i LDK-së!
Romeo tash do t’i shpërblejë besnikët e LDK-së.
Çka është besnikëria?
Besnikëria do me thënë tjetër kënd mos me shiku…
A çka?
Familja na mëson që nga vegjëlia të jemi të sinqertë dhe ‘besnik’ por kurrë nuk na mësojnë se si ta identifikojmë tradhtarin para se me na djeg!
Në vend se të na mësonin se si t’i njohim mashtruesit, ata na mësuan të jemi besnik dhe viktima perfekte të mashtruesve. Ani kur të këshillojnë ‘besnik banu e besë mos zë’ 🤦♀️
Besnikëria është luks i madh.
Besnikëve të LDK-së ua keni marrë pasurinë, ua keni marrë t’gjalltë, ua keni marrë rininë, dhe i keni lënë rrugëve, vetmitarë.
Ju jeni një klan mafioz dhe shumë i rrezikshëm. Ju e keni ‘mbytur’ vetveten e s’po e ‘mbysni’ popullin.
Mos ma ndalni zullumin, helbete mos sa më shumë që më ‘mundoni’, po m’ngjallen ndjenjat. Me pas mundësi, me m’ndëshku japançe, me një palë këpucë japoneze, tre numra më të vogla se numri im!
E nëse unë kam fat (qysh ka filluar t’më buzëqesh fati kohëve të fundit), dhe e lexon këtë hall timin dikush që di t’i bëj kryq dy fjalë, le t’më tregoj pse unë nuk ndjej asgjë kur më shajnë.
Kushdo që më njeh mirë, e di se unë nuk ndjej kur shamja nui ka sharm dhe dije. Kur më shan me stil, me metafora, me simbolikë dhe me sharm, po, më pëlqen shumë kur gjendet dikush që ma ‘frohë’.
Ani kur më thonë ‘e frustruar seksualisht’, se zanat e kanë shqiptarët t’i përndjekin beqarët (plus që s’di ku po shkruan që unë jam beqare).
Mos e nënvlerëso ‘kukën time’, Unë jam si një ‘seks bombë’ e pashpërthyer e Luftës së 2-të botërore😂.
Unë e ‘ha’ veç me t’mirë, dhe me butësi, ndjej veç kur më trajtojnë mirë, kur më trajtojnë keq dhe më shajnë, nuk ndjej asgjë.
Më qeshet shumë kur po i shoh disa kentues që mendojnë se më kanë lënë mendtë dhe do të varem prej tyre e do të dal t’ua kërkoj votat me tas.
Jo oj zemër, unë s’kam lyp bukë në luftë, kur kam qenë duke vdekur urie (kam qindra dëshmitarë që të tjerët kanë lyp bukë edhe për mua, dhe më kanë shpëtuar, se sa për mua, të varej prej meje, do të kisha vdekur urie), e po lypi vota.
S’vjen n’shprehje. Veç nëse m’i bini votat te shpija, s’muj me ju ndal, se përndryshe s’ka shansë.
Unë nuk lyp asgjë!
Sepse, mendoj se unë s’kam asnjë nevojē për asgjë, përveç për bukë, ujë, muzikë, humor dhe poezi.
Berishtë e kanë inatin e madh, ky është ‘mallkimi’ ynë.
Na ka mallkuar Ai Skënderbeu.
Sipas një legjende, Skëndërbeu demek e paska pas mallkuar Berishën e Muhurrit kur mori vesh se po bashkëpunonte me turqit dhe (sipas modës së kohës) u bë myslman. (E që vet e ka pas emrin Skënder dhe ka bashkëpunuar me turqit, ia ka falur vetes atë kabahat).
E pastaj, na ka mallkuar si në vijim:
‘Si n’të raj, si në pleqnajë,
Kurrë mos u bëfsh tri shpajë’.
Kuptohet, nëma e Skënderbeut nuk është pranuar nga Zoti. Përkundrazi, ka pas efekt të kundërt.
Sot, më shumë ka Berishë se sa zogj. Dhe më shumë ka xhamia se sa shkrime për Skënderbeun. Pra, Heroi ka arritur efekt të kundër!
P.S. ‘Mora çifte e dola për gjah
E çiften e mora me gjithë zagar
E çiften e kam me leje mor aman aman
Çiftja bam, e zagari ham’
