Sa herë në Shqipëri ndodh ndonjë arrestim i rëndësishëm, në lojë hyn edhe politika.
Edhe në rastin e mjekut Edvin Prifti, opozita ka heshtur, ndërkohë që vetë ai është viktimizuar para gjykatës, duke thënë se është arrestuar nga Edi Rama, meqë është demokrat.
“Unë sapo erdha nga një lokal ku po dëgjoja një regjistrim të kryeministrit.
Rama foli në lidhje live sikur unë isha i arrestuar.
Jam totalisht i pafajshëm dhe të gjitha provat ja kam dhënë gjykatës.
Besoj se do ta kaloj këtë prag dhe do të ketë drejtësi.
Pikëpamjet e mia janë demokratike, të djathta liberale, në funksion të popullit tim, republikës.
Mendimet e mia i kam të shprehura dhe duhet që çdo intelektual ti bëjë.
Jemi në fushatë elektorale, unë do të preferoj që prangat të mi vinte media, do të ishte më simpatike për të gjithë popullin”, tha Prifti.
Me siguri që nëse këto aksione nga SPAK do të vazhdojnë, do ta dëgjojmë shpesh këtë refren, që po ndëshkohen se janë opozitarë. /TemA
