Mësohet se Ilir Meta dje ka qenë gjithë natën jashtë. Arsyeja sipas Bilushit të Metës ishte pak banale.
Ja si e shpjegon ai:
-Ne shkuam në Vlorë mbasdite dhe u vonuam aty. Takuam Bujar Leskajn, na dha një gotë ai, e zgjati ca muhabetin, na tregoi se Damiani i ka marrë ca të LSI dhe u shqetësuam. Pastaj na zuri darka dhe u ulëm në një klub me nja 5 veta që nuk kishin tradhëtuar akoma. U vonuam dhe ca aty. Monika bëri disa herë telefon, ku jeni.
I thamë fli se do vonohemi pak.
Pastaj u nisëm për Tiranë dhe arritëm vonë.
Kur hyri në shtëpi, Presidenti vendosi të ecte në majë të gishtave, që të mos zgjonte njeri. Ndërkohë që po zhvishej u zgjua Monika.
-Tani erdhe,- i tha ajo.
Ai ngriti menjeherë pantallonat lart.
-Jo, jo, -tha. Tani po vishem se do dal. Kam një takim herët. Kam ardhur para dy orëve, po nuk e ndjeve.
Dhe kështu u detyrua të dalë prap jashtë. Më mori mua në telefon.
Më tha: çfarë të bëjmë tani, ku të shkojmë derisa të gdhijë?
-Në Berat,- i thashë. E kemi një orë larg. Sa të shkojmë ne zbardh.
Ashtu bëmë. U nisëm për Berat. Morëm nja dy djemë të rinj në telefon dhe na pritën ata rreth orës pesë të mëngjesit. Ja futëm një mëngjes të fortë aty, deri nga ora 7. Pastaj dolëm xhiro në qytet.
Kur qytetarët panë që Presidenti kishte adhur qysh në mëngjes në Berat, u entuziazmuan dhe filluan të dalin dhe ata shetitje. Brenda një ore gjithë qyteti u gjallërua vetëm se shetiti presidenti qysh në mëngjes.
Kjo na bën optimist se Berati tani është me ne dhe ja vlejti një natë pa gjumë.
