Kancelarja gjermane Angela Merkel ka ndryshuar mendje dhe ka thënë se do të marrë dozën e AstraZenecas kur të thërritet për të bërë vaksinën, duke shtuar se motoja e qeverisë për të luftuar pandeminë e koronavirusit është “vaksinimi, vaksinimi, vaksinimi”.
Deklarata e kancelares vjen ndërsa Gjermania rifilloi shpërndarjen e vaksinës së koronavirusit të AstraZeneca të premten, një ditë pasi Agjencia Evropiane e Barnave (EMA) rikonfirmoi se vaksina është “e sigurt dhe efektive” në parandalimin e koronavirusit dhe “nuk shoqërohet me një rritje të përgjithshme rreziku të ngjarjeve tromboembolike, ose mpiksjes së gjakut. ”
Duke folur gjatë konferencës për shtyp, Merkel tha se qeveria kishte të drejtë të vendoste një pezullim të përkohshëm të përhapjes së vaksinës në mënyrë që të garantonte sigurinë e saj.
Më herët, kancelarja gjermane Angela Merkel ka deklaruar më herët se nuk do të marrë vaksinën AstraZeneca COVID-19, sepse ajo është shumë e moshuar për përdorimin e kësaj vaksine.
Gjermania fillimisht e rekomandoi vaksinën për personat nën 65 vjeç, më pas pezulloi aplikimin e saj, për ta rikthyer sërish pasi EMA e cilësoi atë si të sigurtë.
