Një 25-vjeçar në Tiranë është hedhur nga kati I tretë I ballkonit, pas një konflikti me prindërit dhe ka humbur jetën në spital. Ngjarja ka ndodhur në rrugën “Nasi Pablo”, vetëm pak metra larg Ambasadës Amerikane, mbrëmjen e së shtunës. Fillimisht Brion Skrapari ka debatuar me prindërit dhe ka marrë një thikë duke i qëlluar ata.
Burime nga Policia thanë se 25-vjeçari kishte qëlluar disa herë në trup me thikë babanë e tij dhe më pas nënën. Në gjendje të rënë psikologjike, Brion Skrapari ka lëshuar thikën në tokë dhe më pas është hedhur me kokë nga kati i tretë.
(Pallati ku jetonte familja)
.jpg)
(Ballkoni nga ku u hodh i riu)
Në vendin e ngjarjes duken ende gjurmët e gjakut, ndërkohë që Brion Skrapari ka humbur jetën mëngjesin e së dielës në Spitalin e Traumës. Ndërkohë, dy prindërit e tij janë jashtë rrezikut për jetën, pro në gjendje të rëndë psikologjike për shkak të ngjarjes.
Burime nga Policia thanë për Report TV se Brion Skrapari dhe babi i tij ishin konfliktuar edhe më herët. Shkak dyshohet disa materiale që 25-vjeçari shikonte dhe kishin të bënin me ekstremizmin islamik. Sipas policisë, i moshuari i kishte kërkuar djalit të tij që të mos i ndiqte më ato dhe kjo dyshohet të jetë shkak i konfliktit.
Në kompjuterin e Brion Skraparit Policia ka gjetur disa video me prirje ekstremiste. Familja Skrapari kishte 10 ditë që ishte vendosur në këtë apartament me qira. Sherri në familje mbrëmjen e së shtunës është dëgjuar edhe nga fqinjët, të cilët kanë lajmëruar Policinë.
.jpg)
(Vendi ku u hodh i riu)
Informacioni paraprak i policisë:
Më datë 05.05.2018, rreth orës 22:05, është dërguar në QSUT shtetasi B. S., rreth 25 vjeç, në gjendje të rëndë, i hedhur nga kati i tretë i banesës në rrugën “Nasi Pablo”.
Gjithashtu kanë shkuar në spital, të dëmtuar me mjet prerës, i ati, shtetasi E. S., rreth 60 vjeç dhe e ëma, shtetasia A. S., rreth 53 vjeç. Nga hetimet e kryera deri tani rezulton se 25 vjeçari pas një grindje ka goditur babain dhe më pas nënën me thikë.
Pas këtyre veprimeve 25 vjeçari është vetëhedhur nga kati i tretë i banesës. Po punohet për zbardhjen e plotë të rrethanave dhe shkaqeve të ngjarjes.
Dyshohet se ishte pjesë e ekstremizmit, çfarë u gjet në kompjuterin e të riut që plagosi prindërit
Report Tv mëson se ka dyshime që 25-vjeçari të ishte pjesë e rrymave ekstremiste, dhe pikërisht kjo ka qenë arsyeja e sherrit me prindërit, që ka përfunduar me vdekjen e të riut dhe plagosjen e prindërve të tij.
Nga kontrolli në kompjuterin e 25-vjeçarit Brion Skrapari janë gjetur materiale me propagandë islamike, por përfshirja e tij në këto rryma ekstremiste nuk pranohej nga prindërit, të cilët janë konfliktuar shpesh me të birin.
Pas sherrit të mbrëmjes së kaluar, djali ka qëlluar disa herë me thikë prindërit dhe është hedhur me kokë nga ballkoni, ku siç shihet dhe nga fotoja vendi është mbuluar me gjak.
