Ilir Meta takoi fshehurazi kontrollorët në Rinas që janë emëruar më parë nga LSI-ja për organizimin e grevës me shpresën për të penguar stërvitjen më të madhe në histori të SHBA dhe NATO në Shqipëri, zbarkimi i avionëve luftarakë ka shuar çdo shpresë për trazira në Shqipëri për t’i shpëtuar SPAK-ut
Pas grevës qesharake të kontrollorëve të Rinasit, me paga mujore deri në 6.4 milionë lekë, duke sjellë kaos dhe kthim të avionëve pa mundur të ulen në pistë, fshihen Ilir Meta dhe Sali Berisha, në përpjekjen e tyre të pashpresë dhe dramatike për të penguar stërvitjen e ushtrisë amerikane në Shqipëri.
Rinasi është aeroporti i vetëm në Shqipëri, pavarësisht në mendjen e Edi Ramës janë edhe dy të tjerë, i Kukësit dhe Vlorës.
Duke qenë aeroporti i vetëm, Rinasi është planifikuar për t’u shndërruar në bazën kryesore, në kuadër të stërvitjes më të madhe ushtarake në histori që do të zhvillohet në Shqipëri, ku do të marrin pjesë 18 avionë luftarakë, mbi 6 mijë ushtarë të SHBA dhe vendeve anëtare të NATO-s, 10 anije, aeroplanmbajtëse, 19 helikopterë, 6 sisteme raketash patriot dhe 1000 automjete joluftarake.
Në Rinas kishin nisur përgatitjet prej disa ditësh në kuadër të stërvitjes së madhe, ndërsa në Shqipëri ka nisur zbarkimi i ushtarëve amerikanë, nën komandën e ushtrisë amerikane në Evropë. Stërvitja, e cila do të zgjasë dy muaj, duket se ka shqetësuar Ilir Metën dhe Sali Berishën, të cilët kërcënojnë çdo javë me luftë SHBA-BE nëse nuk fitojnë zgjedhjet si dhe për të marrë një garanci se nuk do të goditen nga SPAK. Nuk ka dyshime se stërvitja e ushtrisë amerikane nuk ka lidhje me zhvillimet politike në Shqipëri, pasi është parashikuar para dekretimit të zgjedhjeve nga Ilir Meta, por megjithatë, mbulimi i Tiranës me hijet e avionëve ushtarakë gjatë dhe pas zgjedhjeve të 25 prillit, shuan automatikisht çdo shpresë për trazira në Shqipëri.
Në këto kushte, kërcënimet e Metës dhe Berishës me luftë, nuk i besojnë as mbështetësit e tyre më të verbër. Por çfarë ndodh? Një ditë pas bisedës me Zv. Ndihmës Sekretarin e Shtetit të SHBA Matthew Palmer, ku u diskutua edhe për stërvitjen, Ilir Meta organizon grevën e kontrollorëve të trafikut ajror në Rinas, duke bllokuar fluturimet.
Disa ditë më parë, Meta ka zhvilluar një takim gjysmë të fshehtë me çetën e kontrollorëve, ku secili prej tyre merr një pagë 2.4 mijë USD në muaj, më shumë se sa paga e Presidentit dhe kryeministrit.
Më parë paga e tyre ka qenë deri në 6.4 mijë USD në muaj, një pagë e çmendur për realitetin shqiptar, një pagë sa 20 paga minimale që marrin sot mijëra shqiptarë.
Albcontrol është një organ i korruptuar dhe që noton në luks, i cili ka kaluar sa në duart e PS tek LSI-ja. Kur ishin në pushtet me Bablokun, Meta dhe Monika kanë emëruar njerëzit e tyre në Albcontrol, siç kanë bërë në çdo institucion tjetër. Por, meqenëse Albcontrol është një organ i veçantë dhe kontrollorët janë trajnuar jashtë me shpenzime të buxhetit të shtetit, zëvendësimi i tyre ka qenë i vështirë. Dy javë para zgjedhjeve dhe në një kohë kur në Shqipëri kanë nisur përgatitjet për stërvitjen e madhe amerikane, Ilir Meta ka aktivizuar çetën e tij në Albcontrol, duke bllokuar fluturimet.
Meta shpreson se duke krijuar kaos, të japë një mesazh tek SHBA dhe NATO, për të ndryshuar kursin e stërvitjes apo të paktën të reduktojë prezencën e ushtarëve amerikanë në Shqipëri deri në fund të muajit qershor. Pas kaosit të krijuar në Rinas, është vënë në lëvizje edhe Ambasada Amerikane në Tiranë, e cila ka telefonuar përfaqësuesit e çetës së Ilir Metës që kishin bllokuar Rinasin. Nuk dihet se çfarë mesazhi ka dhënë Ambasada Amerikane, por disa orë më pas, situatën nën kontroll e ka marrë ushtria, ndërsa çeta e Metës në Rinas tashmë pritet të përfundojë prapa hekurave./Pamfleti
