Një burrë nga Tunizia i cili dikur punonte si truproje e Osama Bin Ladenit, jeton në Gjermani që nga vitit 1997 dhe çdo muaj merr nga 1,168 euro ndihmë sociale, shkruan BBC.
Ky informacion është zbuluar nga zyrtarët lokalë, pasi partia djathtiste gjermane (AfD) pyeti për këtë burrë i njohur si Sami A, transmeton Telegrafi.
Mediat gjermane nuk e kanë publikuar emrin e plotë të këtij burri duke mbrojtur privatësinë e tij. Ai kategorikisht mohon pretendimet për lidhje me xhihadistët. Kërkesa për deportimin e tij në Tunizi është refuzuar nga frika se mund të torturohet atje.
Bin Laden ishte lider i organizatës terroriste Al-Qaeda, që është përgjegjëse për sulmet terroriste të 11 shtatorit 2001 në kullat binjake në SHBA. Por, pas një operacioni ushtarak të SHBA-ve, ai është vrarë në vitin 2011 në Pakistan.
Sipas dëshmisë së një dëshmitari gjatë gjykimit të vitit 2005, Sami A në vitin 2000 për disa muaj kishte punuar si truproje e Bin Ladenit në Afganistan. Por, edhe pse ai e mohon një pretendim të tillë, gjykata në Dusseldorf i besoi fjalëve të dëshmitarit.
Sami A ishte hetuar për lidhjet me Al-Qaedas në vitin 2006, por nuk ishte dënuar. Ai sot jeton me gruan dhe katër fëmijët në qytetin gjerman Bochum në pjesën perëndimore të Gjermanisë.
Pasi i ishte dhënë përkohësisht leja e qëndrimit në Gjermani në vitin 1999, ai vijoi disa kurse të teknologjisë informative dhe u vendos në qytetin Bochum në vitin 2005.
Kërkesa për azil i ishte refuzuar në vitin 2007, pasi autoritetet e sigurisë e kishin futur në listën e personave me rrezikshmëri të lartë, dhe për këtë arsye duhet që çdo ditë të lajmërohet në stacionin policor. /Telegrafi/
