Drejtuesi politik i Partisë Socialiste për Qarkun e Vlorës, Damian Gjiknuri, nga një takim që zhvilloi sot në lagjen nr.2 në Vlorë ‘thumboi’ ashpër edhe Presidentin Meta.
I shoqëruar nga deputeti aktual Edmond Leka dhe kandidati për deputet Anduel Tahiraj , Gjiknuri u shpreh se PS duhet të jetë referendum për ‘avatarin’ që ka zbritur në Vlorë, duke nënkuptuar Presidentin Meta.
“Numri 12 duhet të jetë edhe referendum për këtë avatarin e ditëve të fundit që ka zbritur në Vlorë e që zbuloi komplotin se tha do marrin 9 mandate. Unë tha zbulova komplotin se vlonjatët do të votonin për 9 mandate për Partinë Socialiste. Pra, problemi i këtij mikut që erdhi nga Tirana, Presidenti që na u vet shpall lider i opozitës kishte hallin pse qytetarët e Vlorës do të jepnin 9 mandate për Partinë Socialiste.
E vërteta është se qytetarët e Vlorës do ti japin 9 mandate për Partinë Socialiste sepse Partia Socialiste ja ngriti dinjitetin Vlorës jo thjesht me këngë, histori e lapidare por edhe me vepra konkrete. Patjetër këtyre ju vret sytë e bukura, edhe Presidentit edhe këtyre tjerëve këtu. Në çdo vend që trokasin ju thonë se në Vlorë po bëhet ndryshim i madh”, u shpreh Gjiknuri.
Në vlerësimin e tij, të gjithë besojnë tek kjo Vlorë e ndryshuar. “Të gjithë jemi dëshmitarë se kjo Vlorë është shumë herë më e bukur dhe këto erdhën sepse patëm një qeveri që punoi për Vlorën. Ne na duhet vota për numrin 12 për Partinë Socialiste
