Është shoqëruar me debate mbledhja e KAS ku po shqyrtohen kërkesat ankimore të PD dhe LSI për rezultatin e zgjedhjeve në Berat.
Teksa partitë e opozitës nuk kanë paraqitur provat e tyre lidhur me pretendimet që kanë me procesin zgjedhor, gjatë diskutimeve, duke pretenduar se kanë kallëzuar në SPAK dhe duhet prokuroria të gjej prova dhe te i’a dërgoi KQZ dhe kjo është arsyeja që nuk kanë munguar as debatet, mes përfaqesuesit ligjor te PD me antaret e KQZ.
Debati është zhvilluar mes përfaqësuesit ligjor të PD Marash Logu me anëtarin Ilir Rusmali. Logu ka pyetur se përse KAS sipas tij nuk merr prova nga prokuroritë.
Pjesë nga debati:
Marash Logu: PD mendon që është shumë e qartë në qëndrimet e saj.
Ilir Rusmali: Mund të na thoni në rrethin e provave që keni për sa raste bëhet fjalë për blerje votash?
Marash Logu: Për të gjitha rastet të shitblerjes së votës kemi depozituar kallëzime penale. Ne kemi denoncuar raste të shumta të blerjes së votave.
Ilir Rusmali: Përgjigjja juaj është raste të shumta, e kam të qartë.
Marash Logu: Kjo është arsyeja që ne i sjellim këto kallëzime që i kemi depozituar që në datën 7 prill. SPAK me siguri ka kryer hetime dhe ne ju kërkojmë vazhdimisht ju që merrni informacion nga prokuroritë. Cila është arsyeja që ju refuzoni të merrni prova nga SPAK?
Ilir Rusmali: Këtë nuk e dini ju.
Marash Logu: Kallëzimi i rremë është vepër penale. Nuk bëjmë ne kallëzime të rrema. Pse refuzoni të merrni prova nga prokuroria?
Ilir Rusmali: Refuzimin dhe pranimin e merr nga trupa. Ke dhënë dy përgjigje. Për mua janë të dyja të mjaftueshme.
Marash Logu: Për 22 rastet që kemi folur, kemi depozituar ato prova që kemi pasur në dispozicion. Kjo është bërë për të lehtësuar punën e KQZ. Ne kemi kërkuar që të merren informacione zyrtare nga institucioni shtetëror. Kuantifikimi që ju kërkoni mund të dalë nëse ju pranoni të administroni prova nga PD.
