Gazetari i njohur kroat, Velimir Bujanec, ka publikuar një foto në rrjetet sociale që ka shkaktuar shumë zhurmë.
Ai shfaqet në foto duke bërë shqiponjën dhe prezantuar shishen e rakisë “Skënderbeu”. Në këtë formë ai ka përshëndetur serbët, për të cilët thotë se e kërcënuan ditët e fundit.
“Përshëndetje të mëdha të gjithë serbëve që më kërcënuan këto ditë. Rroftë shteti i pavarur i Kosovës! Rroftë heronjtë e UÇK-së!
Ekstremistët e Serbisë së Madhe u shqetësuan seriozisht nga mbështetja ime për opozitën patriotike në Malin e Zi… me një gotë Skënderbeu për nder të të gjithë shqiptarëve trima që dhanë jetën për të mbrojtur Vukovarin, Kroacinë dhe shtetin e pavarur të Kosovës”, ka shkruar ai.
