Polemikë e madhe, “tragjizëm” i madh, mobilizim antiamerikan, anti ambasadë amerikane nga e gjithë amalgama e ithtarëve të komunistit të fundit me krime në Europë, që regjimi post komunist tridhjetë vjeçar nuk i ka bërë asgjë, përveç pasurimit dhe prosperitetit politik personal dhe familjar!
Sulm pa principe dhe ulërimë anti amerikane nga lëkurërrjepurit e ish-Sigurimit të Shtetit, familjarëve me dosje dhe fëmijëve të kinezërisë dashurore të “maocedun -idesë” që sot i thonë Yuri Kim – Kimete dhe kineze. Sulm ndaj “Amerikës komuniste” dhe Departamentit Amerikan “pro komunist” në Shqipëri! Sulm veprimtarisë së përfaqësueses së shtetit realisht më antikomunist të botës nga folklorikë, mitomanë dhe imoralë të asaj kohe dhe kësaj kohe bashkë, për shërbim ndaj njeriu më të kulmuar në krim këto tre dekada që quhet Sali Berisha!
Sulm nga bazamenti më antiqytetërim që nuk kanë foto nëne dhe babai në album, (nuk kishte shkuar qytetërimi ku kanë lindur që të bënin foto) që çdo gjë e kanë në zhvillimin e tyre që fëmijë dhe deri në atë farë burrnie me PPSH-në dhe komunizmin në Shqipëri dhe që sigurisht është Sali Berisha dhe jetëshkrimi i tij në atë kohë.
Po, por në atë kohë me teserën e PPSH nuk mori përsipër krimin politik përveç sekretarit të partisë, kurse këto tre dekada me teserën e PD-së ktheu në tragjizëm me krimin e tij Shqipërinë! Amerika sot është e sulmuar për hatër të njeriut që ka bërë Gërdecin, “21 Janarin”, vitin 1997 dhe rënien e shtetit, të cilat do të mjaftonin që të ishte futur në burg përjetë, për vrasjen dhe fatkeqësinë e mijëra e mijëra njerëzve.
Ky sulm është i rritur mbas “non grata” të State Department këto kohët e fundit! Por kulmin e ka kur ambasadorja e SHBA-ve nxjerr foto përkujtimore të vizitës dhe mitingut të James Baker në 22 qershor të vitit 1991! Organizimet mediatike të familjes Berisha dhe amalgamës historike antiamerikane të bërë bashkë, akuzojnë “Kimeten komuniste dhe ambasadën komuniste dhe Amerikën komuniste” se ka larguar nga fotot, njeriun që sipas tyre kishte sjellë demokracinë në Shqipëri!
Po pra, atë që tha në miting te studentët: Falënderojmë presidentin Ramiz Alia që si dje kundër pushtuesve dhe sot bla bla bla… E që si pasojë mori fishkëllimat e studentëve, të cilat PD-ja e Shqipërisë e drejtuar nga Berisha nuk i dëgjoi kurrë dhe u hakmor duke i larguar të gjithë nga drejtimi! Pushtimi politik i PD-së nga neokomunisti Sali Berisha i dha fund dhe mundësisë që Shqipëria të kishte një parti realisht demokratike dhe pro perëndimore! Pse nuk ke nxjerrë dhe foton e Berishës me James Baker në miting është akuza sot! Kjo është akuza për “komunisten kineze Kim” sipas tyre!
Këta janë dhe njerëzit mitomanë dhe të nxitur, ithtarë të njeriut më inatçor dhe më antiliri dhe demokraci që ka nxjerrë ky vend në post komunizmin e tij. Në fakt James Baker nuk ka foto zyrtare me Sali Berishën, sepse nuk kishte ardhur të merrej me neokomunistë që po vinin, por kishte ardhur për t’i sfiduar komunistët e Ramiz Alisë dhe atë vetë në takim zyrtar! Me pikërisht Alinë ka foto zyrtare!
Me Berishën jo! Kur akoma PPSH-ja ishte një parti antiamerikane dhe kur Shqipëria po kthehej në demokratike! Berisha ishte aty si njëri prej 100.000 që brohorisnin për Amerikën dhe sot mbas 30-të viteve është kryesori që ulëret kundra Amerikës si neokomunist i bindur që ka mbetur!
James Baker, po iu bënte përballje komunistëve në podium, duke iu treguar se çfarë pritje i bënte populli shqiptar përfaqësuesit të SHBA-ve dhe nuk kishte nevojë për një neokomunistë si Berisha, por për komunistët akoma të PPSH-së të cilët po kuptonin se SHBA-të ishin kthyer që nga largimi i tyre në vitin 1946 nga klika e Enver Hoxhës, i cili dhe pse bashkëpunoi dhe mbasi i kishte aleatë në luftë i mashtroi dhe gënjeu për shtetin e ri bolshevik që instaloi. James Baker po iu tregonte komunistëve të Ramiz Alisë se – America come back!
Prandaj nuk ka një foto zyrtare të Baker me Sali Berishën! Asnjë foto zyrtare me të, sepse nuk e njihnin mirë dhe njihnin se ishte komunist që kishte grisur teserën! E sa për një komunist që gris teserën takimi zyrtar bëhet me komunistë që e kanë teserën e PPSH-së, por i përulen lirisë dhe demokracisë dhe sidomos SHBA-ve!
Turma përpara ishte sigurisht demokrate, ishte ajo turma që u manipulua dhe u përdor nga komunisti më i lajthitur i rrugës së demokracisë që quhet Sali Berisha! Në saj të tij sot, PS-ja ose ish PPSH-ja, transformuesja nga PPSH në PS, është pro amerikania dhe partia që dialogon me Perëndimin dhe jo vetëm me USA!
Kurse PD-ja që lindi me vokacionin pro perëndimor dhe sidomos pro amerikan, rrezikon të shpërbëhet fare në sajë dhe të marrëzisë së Bashës, njeriut të indikuar sëpaku deri tani të Berishës dhe sidomos në sajë të antiamerikanizmit të Sali Berishës, njeriut më të shëmtuar politikisht dhe filozofikisht që ka nxjerrë kjo shoqëri përfshirë dhe kryekriminelin Enver Hoxha!
James Baker nuk ka një foto zyrtare dhe e përsëris zyrtare – me Berishën sepse ithtarët e mitomanit folklorik Berisha do ta kishin nxjerrë. Jo nuk ka një zyrtare (si nuk ka asnjë të familjes së tij nga ku rrjedh, të parëve të tij) dhe kjo i bën nder ish-Sekretarit të Shtetit Amerikan, James Baker! Berisha ishte aty dhe për fat të keq i solli dëm të jashtëzakonshëm demokracisë duke sunduar PD-në pro amerikane, të cilën e ka katandisur në një diçka të shëmtuar antiperëndimore. /Nga Besi Bekteshi
