Ka nisur aksion i fuqishëm në Ministrinë e Brendshme me urdhër të SPAK janë kryer kontrolle në zyrat dhe në banesa. Nga ana e Prokurorisë së Posaçme Kundër Korrupsionit dhe Krimit të Organizuar mësohet se aksioni po bëhet për tenderin e uniformave.
Gjithashtu mësohet se deri tani SPAK ka vënë në pranga tetë persona, mes të cilëve edhe ish-drejtoresha e Prokurimeve Publike në Ministrinë e Brendshme.
Por kush është ish drejtoresha, mësohet se pak ditë më parë është liruar nga detyra Drejtoresha e Agjencisë së Blerjeve të Përqendruara, në Ministrinë e Brendshme, Edlira Naqellari. Në vend të saj është komanduar njëra prej drejtuesve të Njësive të Agjencisë, Nertila Mihali.
Hetimet fillimisht nisën për shkeljet të rregullave në tenderim, shpërdorim detyre me dyshimin për korrupsion, por ende nuk janë bërë publike në mënyrë zyrtare akuzat që rëndojnë për personat e përfshirë në këtë abuzim. Pritet që në orët në vijim SPAK të dalë me njoftim zyrtar dhe te japë detaje më të hollësishme në lidhje me operacionin.
Tenderi për te cilën SPAK ka urdheruar ndalimin dhe arrestimin e zyrtarëve kap vlerën e rreth 25 milionë eurove dhe është bërë nje vit më parë në Ministrinë e Brendshme.
