SPAK-u, duhet t’i hapë veshët fort sot. Spakasit nuk janë aty për të mbrojtur deri në pamundësi kriminelët, pasi paguhen e mbrohen nga taksat e shqiptarëve.
Skandali i grabitjes së thesarit të Veriut është i hetuar dhe e dinë të gjithë historinë. Vetëm klikoni në Google dhe del e vërteta.
Del e verteta se kanë shkruar mediat e huaja, pasi këta policët, informatorët apo prokurorët milionerë, kanë bashkëpunuar me kriminelët, kanë tjetërsuar çdo të vertetë.
Po ti SPAK, ç’pret, apo pret urdhër nga mafia se ku nuk duhet prekur?
Ish kryeprokurori Theollori Sollaku, e ka bërë “vizatimin” në atë dosje “top sekret” që i ka vënë fjongo të kuqe.
Nuk e besonte prokuror Sollaku, se amerikanët e kanë seriozisht, se drejtësia do bëhet edhe këtej nga “ishulli” i kriminelëve milionerë.
Hapjani kapakun dosjes së falsifikuar nga vetë shteti. Do të gjeni çudira se si drejtësia mbron krimin e grabitjen e djersës së popullit.
Gjashtë persona mbushin fletët nga faqja e parë tek e fundi. Nëpër ato fallcitete banale thuhen ca gjëra, ndoshta se si u grabit thesari me tank, ndoshta, ku u ndanë paratë apo edhe ku u përdoren.
Shikoni aty, se meqë e mbyllën, për të mos e hapur kurrë më, tregojnë edhe ku janë paratë, si me thënë në ndërtim dhe media.
Dosja “top sekret” fsheh sa mundet sekrete.
O SPAK, shko shihe pak këtë skandal!
Ne kaq kemi me Spakasit për sot.
Nuk themi se Theodhori Sollaku, Fatos Klosi apo Petro Koçi, janë hajdutë, milionerë, bashkpunëtorë e bashkudhëtarë të krimit, as sa i kanë “futur” duart tek thesi i parave, apo falsifikimi i dosjes së Thesarit të Veriut. Ato i shihni ju.
Policia, Shërbimi Informativ dhe prokuroria janë paguar për hetime, apo jo?
Kështu pra, SPAK, shko shihe pak këtë dosje, se e diskutojmë edhe nesër këtë temë.
Edhe një porosi SPAK.
Merri prangat me vete, se është bërë nami zi, është falsifikuar dosja e grabitjes më të madhe në Ballkan. /Sokol Pepushaj/Pamfleti
