Oligarku dhe grabiqari emblematik i fondeve dhe pasurive publike, Lorenc Gjikuria, është kapur në flagrancë duke gërmuar pa leje pranë parkut kombëtar të Llogarasë, për interesat e tij private.
Makineritë e Lorenc Gjikurisë janë kapur në këtë krim mjedisor tre javë më parë nga policia, e cila ndonëse nën presionin e oligarkisë, në këtë rast ka zbatuar ligjin, duke vënë në lëvizje prokurorinë.
Kur policia ka kërkuar lejen për gërryerjen pranë Parkut të Llogarasë, përfaqësuesit e kompanisë ‘Gjikuria’ kanë informuar Lencin, i cili ka thënë se kishte aplikuar për leje, duke konfirnuar përfshirjen e tij në krim, pasi nuk kishte leje për ushtrim aktiviteti.
Prokurori i Vlorës Aurel Zarka ka regjistruar një dosje penale në datën 7 korrik 2021. Dhe këtu nis një tjetër skandal. Edhe pse është e provuar përtej çdo dyshimi se Lorenc Gjikuria ka kryer një krim kundër mjedisit dhe pronës publike, sërish prokurori Aurel Zarka nuk ka kërkuar arrestimin e tij, duke vepruar si Besim Hajdarmataj, i cili sa herë i duhej për të mbyllur një dosje droge dhe për të shpëtuar kriminelët, gjente një justifikim qesharak.
Prokuroria dhe policia po marrin në pyetje dhe hetojnë zbatuesit e punimeve, duke lënë jashtë hetimeve Lorenc Gjikurinë, kokën e aferave me tendera dhe shfrytëzimit të pasurive publike për pasurimin e tij personal. Ky rast tregon edhe një herë se sa e pafuqishme dhe e kapur është prokuroria e Vlorës përballë klaneve të korrupsionit.
Prokuroria nuk ka fuqi të zbatojë ligjin dhe të mbrojë intetesin publik në këtë rast, duke u bërë palë me Lorenc Gjikurinë.
Në skenë del edhe prefekti Flamur Mama. Pas nisjes së hetimeve, Lenc Gjikuria vë në lëvizje prefektin e Vlorës për ta pajisur me leje, për të gërmuar pranë Parkut të Llogarasë, për ndërtimin rrugës që lidh portin e Jahteve në Orikum me Dukatin. Tenderin korruptiv për këtë rrugë e ka fituar ‘Gjikuria’ që në vitin 2018 me vlerë mbi 50 milionë euro, falë lidhjeve klienteliste me Damian Gjiknurin dhe Sandër Frangajn.
Sapo ka marrë urdhrin në telefon nga Lenc Gjikuria, Flamur Mama, i cili kryeson edhe Këshillin e Baseneve të Ujëmbledhësit të Vjosës, ka miratuar lejen me shpejtësi. Por, leja e miratuar nga Mama, nuk ka asnjë vlerë në raport me dosjen hetimore, pasi makineritë e Lencit kishin filluar gërmimet para se të miratohej leja.
Megjithatë, sipas burimeve, prokurori Aurel Zarka po synon ta mbyllë këtë dosje, duke rrezikuar karrierën e tij në drejtësi.
Prokurori Zarka, i cili po verifikohet nga Vetingu prej disa muajsh, as nuk ka marrë në pyetje Lorenc Gjikurinë, por vetëm ushtarin e tij. Gërmimi pranë Parkut të Llogarasë është vetëm një nga aktet kundër pasurisë publike të Lorenc Gjikurisë, përfituesit të miliona eurove në buxhetin e shtetit, përmes koncesioneve korruptive./Pamfleti
*Në foto është Milo Gjikuria, babai i Lorenc Gjikurisë që është edhe themeluesi i “Gjikuria” sh.p.k, një kompani, kontigjent i SPAK për spekulime me fondet publike dhe koncensionet qeveritare.
