Pas shumë debateve që hapi një foto e presidentit me një pastor nga Durrësi dhe dy kolegë të tij nga SHBA, Bilushi i Metës bëri këtë shpjegim për publikun.
Të dashur miq!
Tani nuk është më sekret t’u themi se Presidenti bëri një udhëtim privat në SHBA, me ftesë të Monikës, për të takuar një lobist libanez, që është një nga teoricienët më të mëdhenj të Islamit në SHBA dhe që ka lidhje të forta politike.
Gjatë takimit, i cili shkoi shumë mirë, ai foli mbi vlerat e islamit dhe referencat e tij në Bibël.
Këtu pati diskutime shumë të forta, pasi presidenti i tregoi se përfaqëson një sekt bektashi, që e ka selinë në Majën e Tomorit dhe se Abaz Aliu ka fluturuar nga Qerbelaja atje, me kalë.
Pas kësaj lobisti libanez, ndërpreu bisedën pa shpjegime.
Nuk e kuptuam nëse ai u trondit nga mungesa e njohurive që kishte për Abaz Aliun, apo nga ndonjë arsye tjetër.
Pas këtij incidenti, ndërsa presidenti priti dy ditë të kishte ndonjë përgjigje për ndonjë takim që do të rregullonte ai nuk u përgjigj.
Kjo ishte një ngjarje e pazakontë, pasi dhe njeriu më i humbur në SHBA ta rregullon një takim me një zyrtar çfarëdo.
Por me sa duket atij do t’i ketë mbetur qejfi nga njohuritë e pakta që presidenti kishte për Biblën, pasi ai ka studiuar referencat e Kuranit në Bibël.
Atëherë presidenti pyeti a kemi ndonjë pastor me LSI.
-I thashë kemi Gëzimin në Durrës.
-Ma gjej pak, tha.
U lidha me Gëzimin dhe i thashë se do të takoj Presidenti.
-Ua shumë mirë tha se kam dhe një çift amerikan në Kishë sot.
Sapo ia thashë presidentit u gëzua shumë.
-Po unë shkova deri në SHBA e s’takova dot njeri tha, I paskam pas amerikanët në Durrës.
Kështu bashkë me Monikën sa zbritën nga aeroporti u nisën drejt e tek Kisha e Gëzimit në Durrës. Aty takuan dhe çiftin amerikan. I folën për udhëtimin e tyre dhe i shprehën gëzimin që më në fund i takuan dy amerikanë.
Të dy amerikanët shprehën kënaqësi për takimin dhe thanë se shpresojmë të takohemi çdo të diel në orën 10 kur kemi meshën.
