Amanda Ava Koçi ka lindur në Milwaukee, Wisconsin, më 16 shkurt 1994, në të njëjtën javë që ‘The Power Of Love’ e Celine Dion më në fund arriti në numrin 1 në listat e Billboard, një mirëseardhje e përshtatshme për një artiste.
Dhe ndërsa mbështetja e familjes është diçka që shumë artistë të suksesshëm e vënë në dukje gjatë ngritjes së tyre, për Ava Max, mënyra se si prindërit dhe vëllai i saj mbrojtën ëndrrën e saj që në moshë të re ishte e rëndësishme në ngritjen e saj.
Si vajzë e emigrantëve që u larguan nga Shqipëria gjatë rënies së komunizmit, që në vogëli Ava e kuptoi që nëna e saj i kishte vënë në pritje ëndrrat për të qenë një këngëtare operistike për t’i ofruar një jetë më të mirë vajzës së saj”.
Kështu shkruan revista amerikane “Uproxx” për një nga artistet shqiptare më të suksesshme në botë, Ava Max. Kjo e fundit ka realizuar një intervistë me revistët në fjalë ku është rrëfyer ndër të tjera për vështirësitë e të qenurit emigrante. Në rrëfimin e saj, Ava ka treguar se nëna e saj hoqi dorë nga ëndrra për t’u bërë këngëtare, por kur ajo nisi të këndonte ndjeu se në një farë mënyre bëri realitet ëndrrën e së ëmës.
“Natyrisht, ajo duhej të hiqte dorë nga ëndrra e saj”, ka thënë Ava Max. “Sepse ajo ishte një emigrante dhe nuk kishte para, ajo nuk e dinte gjuhën shumë mirë, ajo kishte fëmijë – ajo më kishte mua! – Kështu ajo hoqi dorë nga ëndrra e saj. Kur fillova të këndoj, u ndjeva sikur ajo filloi të jetonte ëndrrën e saj përmes ëndrrës sime, e cila është vërtet e mrekullueshme, mendoj. Tani që e shikoj përsëri atë, ndihem se kjo është pjesërisht arsyeja pse e bëra atë , sepse nëna ime më mbështeti shumë dhe ishte gjithmonë aty për mua”.
Në tej, artistja ka thënë se familja e saj ka sakrifikuar gjithçka për të brë realitet ëndrrën e aj dhe se janë larguar nga Shqipëria me vetëm një valixhe në dorë.
“Ata u larguan nga Shqipëria me asgjë tjetër përveç një valixheje në dorë dhe me një gjashtëvjeçar, vëllain tim. Ata jetonin në Kryqin e Kuq në Paris, Francë pa para. Por babai im me të vërtetë donte të vinte në Amerikë, kështu që pas një viti që jetuam në një kishë babai im erdhi dhe na tha: ‘Ne do të shkojmë në Amerikë”, ka treguar Ava Max.
