Kryeministri i vendit, Edi Rama ditën e djeshme me anë të një statusi në rrjetin e tij social Facebook bëri me dije bilancin lidhur me situatën e zjarreve në vend.
Ai deklaroi se momentalisht në vend janë 13 vatra zjarri ku në Karaburun, Shkodër, Fushë-Arrëz, Durrës, Elbasan, Berat dhe Dibër nuk ka rrezik banesash.
Lidhur me Gjirokastrën e cila është zonë problematike, Rama u shpreh se po punojnë Forcat e Armatosura me të gjitha mjetet dhe me një helikopter për të stabilizuar situatën. “Aktualisht ka 13 vatra zjarri në të gjithë vendin përkatësisht në; Gadishullin e Karaburunit, pa rrezik banesash. Shkodër, në fshatin Cukal pa rrezik banesash.
Në Fushë-Arrëz e cila paraqet rrezikshmëri për kalimin në zona të banuara, është dërguar edhe një mjet helikopter për mbështetje nga ajri. Gjirokastër, vijon zjarri vatrave në luginën e Lunxhërisë. Nuk ka rrezik për banesat. Po punojnë forcat e FA dhe të tjera nga toka.Vatra e zjarrit në kodrën e pishave në fshatin “Arshi Lengo”, po punojnë të gjitha forcat operacionale dhe një mjet helikopter.
Në bashkinë Tepelenë, pa rrezik banesash. Në Bashkinë Durrës, fshati Manskuri pa rrezik banesash. Dibër, fshati Lukan pa rrezik banesash. Në bashkinë Mallakastër, pa rrezik banesash. Elbasan, pa rrezik banesash. Qarku Berat, raportuar një zjarr në shkurre në fshatin Vendreshë, Bashkia Skrapar por zjarri është fikur”, bëri me dije kryeministri.
Po ashtu ka reaguar edhe kryebashkiaku i Mallakstrës, Flamur Golemi i cili deklaroi se nëse situata do të përkeqësohet në Lunxhëri, banorët edhe mund të evakuohen me forcë pasi sipas tij janë banorët në moshë dhe kanë vështirësi në lëvizje. “Po vazhdojmë punën me emergjencat civile.
Në operacione janë përfshirë forcat e armatosura dhe ato të bashkisë si dhe policia. Në vend të parë është siguria e jetës së njerëzve sepse janë të moshuar. Për t’i evakuuar mund të veprojmë edhe me forcë sepse janë të moshuar. Nëse është e nevojshme, po”, tha ai.
