Abi i Sali Berishës, personifikon më së miri personin që i dedikohet shprehja e vjetër tironse: “Ti që mbone mirë mu, t’boft Zoti gazep, mos e bofsh pik’ne hajrit”. Më kapi e qeshura kur e pashë që kishte dal të sulmonte “sorosianët” afgan, nga mosha 1 muaj e deri në 100 muajsh.
Këto sorosianët afgan, as nuk e dinë se kush është Sorosi e nëse ekziston dikush me këtë emër, që i paska shpëtuar nga “ferri”, se do i faleshin ditë e natë, që të kishte sa më shumë të tillë. Megjithatë, ata shikojnë dorën e shtrirë të një kombi që ka vuajtur po si ata.
Kurse Abi, bashkë me gruan “non grata” e njeh mirë Sorosin, ndryshe nga afganët… sepse fal filantropit u shkolluan, kurse fal ndimës së Saliut u profilizuan në “zanat” dhe u pasuruan.
“U çudita kur pashë se refugjatët do mbroheshin me polici të madhe, pastaj mora vesh që qenkëshin punonjësit e Soros dhe u kuptua pse ka ik për lesh ai vend. Ndofta do i fusin si njerëz të besuar tek organet e reformës në drejtësi tek ne. Se një Fondacion Soros e kishim të pamjaftueshëm dhe na duhej dopjo. Po pse nuk kishte hallexhinj të tjerë për të sjellë?”, shkruan Jamarbëri.
Abi si agjent i sprovuar, paska zbuluar se këta qenkan punonjës të Sorosit sikurse edhe ai, Gita, Luli dhe Aurela… “mjelës” të filantropit.
Ja si e “mjelnin” Sorosin Gita me Abin:
Klubi Studentor “Perla”, që drejtohej nga Malltezi dhe Argita Berisha, kanë marrë nga Soros për një aktivitet një javor 7350 dollarë. Në vitin 1999, Jamarbër Malltezi ka përfituar një bursë të pjesshme nga Soros për studime në SHBA.
Po në vitin 1999, shoqata e Argita Berishës, “Perla”, ka marrë sërish fonde nga Soros për projektin ambjentalist “Njohja e Thesareve të Bregdetit” me vlerë 3870 dollarë. Ndërsa në vitin 2000, sërish “Perla” e familjes Berisha, ka marrë 4900 dollarë me projektin “Pjesëmarrje e Komunitetit në Nivel Lokal”.
Të gjitha këto financime janë bërë publike në një emision televiziv mbi Sorosin, pak muaj më parë dhe gjenden në raportet vjetore të Fondacionit Soros.
Ndaj, për cilin Soros flet nxënësi që e filloj hajdutërinë në xhepat e filantropit dhe kur “baba” Saliu shkruante me superlativa për mikun e tij George Soros, duke e shpallur atë “mik të madh të Shqipërisë dhe shqiptarëve”?
Në atë kohë Berisha deklaronte se:
“Në vijim të takimeve, në Davos të Zvicrës, kryeministri Berisha zhvilloi sot pasdite një takim me mikun e madh të Shqipërisë dhe shqiptarëve, George Soros, financier dhe filantrop i njohur botëror. Gjatë bisedës me George Soros, kryeministri Berisha u ndal në ecurinë e reformave në Shqipëri, si dhe bëri një panoramë të arritjeve në fushën arsimit, kulturës, shëndetësisë…”.
Ndaj gjuha e ndyrë e pis opozitarit, sepse ky klloun nuk mund të përfaqësoi opozitën dhe nuk mund të mashtroi shqiptarët me Sorosin dhe sorosjanët, që nuk i kanë asgjë borxh. Janë këta gjuhëndyrë që u kanë borxh miliona dhe për këtë do përgjigjen para drejtësisë, ndërsa Soros në sallën e gjyqit duhet tu kërkoi paratë e grabitura me mashtrim./Ekskluzive.al
