Ish-kryeministri Sali Berisha pas Tiranës është ndaluar në qytetin e Fierit. Në nisje të fjalës së tij, Berisha ka sulmuar kryeministrin Edi Rama, dhe kryedemokratin Lulzim Basha.
Berisha u shpreh para mbështetësve të tij, se motivi është një dhe vetëm një: Rama Ik! Ish lideri historik i së djathtës u prit në këtë takim nga kreu i PD në Fier, Luan Baci, por edhe disa mbështetës.
“Duke marrë peng kreun e opozitës Edi Rama i futi një thikë pas shpine PD me kreun e marrë pengh prej tij.
Sot kemi nis këtë debat me ju, por ky debat ju ftoj të zhvillohet një debat midis njerëzve që u besojnë vlerave, që marrin përgjegjësi.
Janë të revoltuar nga akti i pabesë i Lulzim Bashës. Të mos pranojmë asnjë ndarje midis nesh, të Bashës dhe Berishës.
Ju jeni njerëzit e vlerave dhe të lirisë. Ata që nuk e duan Sali Berishën ju them vetëm një fjalë, më shumë se gjithë ju Bashën e ka mbështetur vetëm Berisha,” deklaroi Berisha duke shtuar se:
“Sot ne mblidhemi këtu me një motiv, motivi ynë është ai që buronte pak çaste më parë nga zemrat tuaja, Rama ik. Rama ik sepse pas Enver Hoxhës do mbetesh në histori, si kryeministri më i keq, më i lig, më tradhtar i Shqipërisë dhe kombit shqiptar
8 vite pas qeverisjes së tij, në një kohë që kemi zbritur nga kreu për rrogat dhe pensionet në Ballkan, në vendin e fundit me 30% më të ulëta sesa Kosova, e gjitha kjo sepse kryeministri i vendit, i vetmi në Evropë dhe në Botë që nis mandatin e tretë me veturë superluksoze 500 mijë euro.
I shkon fluturimi nga 150 mijë deri në 300 mijë euro. E gjitha kjo sepse ministrat e babëzitur, porosisin biftekun sa tre rrogat e një punonjësi. Edi Rama u vret të ardhmen shqiptarëve”, tha ndër të tjera Berisha.
