Një i pastrehë që rrahu një njeri për vdekje është deklaruar fajtor për krimin pothuajse 38 vjet më vonë, kështu që ai më në fund nuk do jetojë më në rrugë.
Irlandezi Christopher Ainscough, 50 vjeç, u gjet i vdekur në shtëpinë e tij në Shoot-up Hill Court, Kilburn, Londrën veriperëndimore me dëmtime fatale në kokë, sipas Mirror.
Policia tha se ai ishte sulmuar në Dhjetorit 1983, por vrasësi i tij nuk u gjet kurrë. Kjo deri në Korrik të vitit të kaluar, kur 58-vjeçari Anthony Kemp hodhi gurë në dritaren e stacionit të policisë Chiswick, në perëndim të Londrës, për të tërhequr vëmendjen e oficerit.
Kur oficerët folën me të, Kemp pranoi vrasjen. Ai i tha policisë: “E dini çfarë, unë jam i pastrehë dhe nuk do të fle në rrugë”, raporton BBC. Kemp i tregoi se ishte ftuar në banesën e zotit Ainscough ku humbi durimin me të dhe e vrau sepse ai e preku në një mënyrë provokative.
Dëshmia e të pastrehut ishte koherente me incidentin e ndodhur dikur dhe ai vazhdon të qëndrojë në paraburgim derisa të vendoset dënimi.
