Peshëngritësi Pirro Dhimo i ka dhënë sot lamtumirën e fundit nënës së tij 75-vjeçare, e cila u gjet e dekompozuar pranë kazanëve të rakisë në Himarë.
Nëna e Pirro Dhimës ka qenë në gjendje të mirë shëndetësore. Para 1 muaji ka qenë në Himarë djali i vogël. I ka kërkuar ta marr me vete, por Nëna i ka thënë që do digjte një herë rakinë. Kishte bërë dhe vaksinat të dyja së fundmi.
Gjatë ceremonisë mortore Pirro Dhima shihet duke i dhënë dorën njerëzve të pranishëm, si edhe duke qarë në fund kur i jepet lamtumira e fundit të ndjerës.
Njëra prej të afërmeve të të ndjerës tregon dhe takimin e fundit të martën, kur e Lefterie Dhima i kishte thënë se do të vinte përsëri dhe kjo i kishte thënë të vish patjetër.
E moshuara, nënë e tre fëmijëve, thotë mes lotësh, se kështu do të vdesin të gjithë, pasi fëmijët kanë ikur dhe ata kanë mbetur vetëm.
Flasin të afërmit
I afërmi 1: Nëna e Pirro Dhimës ka qenë në gjendje të mirë shëndetësore. Para 1 muaji ka qenë në Himarë djali i vogël. I ka kërkuar ta marr me vete, por Nëna i ka thënë që do digjte një herë rakinë. Kishte bërë dhe vaksinat të dyja së fundmi.
E afërmja 2: Zonjën e kisha kushërirë. Me shëndt kishte ca sëmundje si të pleqërisë. E kishte bërë vaksinën. Ishte vetëm. Nga zemra iku, pati infarkt. Të gjithë vetëm jemi.
E afërmja 3: Kam tre fëmijë, jam me diabet, me të gjitha sëmundjet. Vetëm jetojmë me burrin. Të martën ishte me mua në darkë. Më tha do vij prapë. Të vish i thashë. Ishte goxha zonjë. Dy djem ka, njërin e kishte në Amerikë po shyqyr u ndodh në Athinë. Me fëmijë dhe pa fëmijë ja kështu do vdesim të gjithë, të jemi mirë. Kur nuk i ke fëmijët nuk je mirë.
