Berisha zgjodhi të takoi qytetarët e Kukësit, të cilët me thënë të drejtën ishin angazhuar ta prisnin Berishën me currle e lodra, eskorta dhe flamuj, ku veçanërisht binte në sy flamuri amerikan. Siç duket qytetarët që kishin dalë ta prisnin ishin me Saliun dhe Amerikën, jo këtë të sotmen por atë të djeshmen, kur udhëheqësi komunist nuk e kishte mbushur akoma thesin e poshtërsive.
Sot e ka tejmbushur atë, por militantët as nuk dëgjojnë dhe as nuk shikojnë, se kush është sot për SHBA Sali Berisha. Ato dëgjojnë se çfarë është Amerika për Berishën, një e gënjyer nga Rama, Soros dhe Thaçi. Nuk është i sigurtë se sa e dëgjojnë por ai i sigurtë është se kush e dëgjon e ha.
Tani del në pah një pyetje e domosdoshme: Ore ky Saliu është nga Viçidoli i Tropojës apo nga Shishtaveci i Kukësit?! Nëse është Kuksian i mirë, i keq, vendi i tij i lindjes me pak dhimbje do ta presë, sepse nuk mund ta bëjë kaq lehtë “hasha” e të dalë krahë Ramës, që u bëri aeroport, u bëri stadium, madje i legalizoj në Bathore dhe kudo, që Saliu dhe qeveria e tij i la si ilegal, duke u thënë se do i legalizonte dhe ligjëronte… pas vdekjes.
Me thënë të drejtën kuksianët i bëri tironsa Rama, por ama atë shprehjen: “Ti që m’bone mirë mu të boft zoti gazep”, nuk i’a u ka mësuar akoma.
Ndaj Kuksianët, edhe nëse nuk është Berisha biri i tyre, ato e kanë adaptuar duke ia futur Tropojës e duke marrë gjithë të këqijat e tij si merita e djalit të komshiut, sepse askush nuk ta do të mirën dhe aq më shumë komshiu.
Mirëpo, nëse Berisha është tropojan përse nuk hap një “faltore” në Luzhë që t’i falen mëkatet dhe gjëmat që i ka bërë atij vendi dhe asaj zone dhe atyre njerëzve që t’i heqin dënimin non grata, që ka 20 vjet që ia kanë dhënë shumë vite para Amerikës?! Kjo do i’a lehtësonte punën edhe me amerikanët por edhe me kuksianët.
Kurrë nuk mund të ndodh që kur ta mbyll derën nëna që të ka lindur do të ngroh vatra e njerkës, që këtë ndarje ka pritur.
Tropoja për Berishën është tokë e ndaluar dhe shumë herë më e rrezikshme se non grata në Amerikë, derë e mbyllur ku edhe herën e fundit që shkoi, ka marrë leje, duke e shkuar me “besë”!
Kukësi ta gëzoj se Tropoja kurrë nuk do ta lejoj Foltoren vetëm “faltoren”. Ndaj dua ta dimë nga është sot Sali Berisha, Tropojan apo Kuksian?/Ekskluzive.al
