Ndërpritet seanca plenare pas akuzave e deklaratave të forta të deputetit të PD Ervin Salianji, ndaj Erion Braçes.
Deputeti Ervin Salianji u përplas fizikisht me deputetin e PS Erion Braçe. Garda ndërhyri menjëherë ndërsa seanca u ndërpre!
Menjëherë pas kësaj Salianji ka marrë masë disiplinore.
“E trishtë ajo që ndodhi, i jepet masë disiplinore Ervin Salianjit për përdorimine një gjuhe jo parlamentare, dhe për veprime të tjera të parashikuara në nenin 6 të kodit të sjelljes”, u shpreh Nikolla.
“Kjo hipokrizia sikur këtu ka disa gra ministre e deputete bëjnë të prekurat për një fjalë që nuk prek askënd, kurse kur km i drejtohet kryetares së parlamentit për mbarimin e fjalës i kthehet. Ka 10-fishuar pasurinë e saj dhe bashkëshortit të saj zonja Bushka.
Prandaj del dhe bën këtu si engjëll, por nuk është engjëll. Zotëria, parafolësi im 40 milionë euro me tendera. ky zotëria që del dhe bën si më i shqetësuari, në përgjimet e prokurorisë italiane, për Rezart Taçin, A je ti zv.kryeministri që del në përgjime. Mos m’u drejto mua si kone”, tha Salianji.
Seanca në Kuvend për pak përfundoi në konfrontim fizik mes deputetit demokrat Ervin Salianji dhe deputetit socialist Erjon Braçe. Ishte Garda që bllokoi konfrontimin, ndërsa kryetarja e Kuvendit Nikolla ndërpreu seancën.
Erion Braçe në fjalën e tij i hoqi akuzat ndaj vetes duke e qartësuar se në dokumentin që disponon ai mban datën 18 tetor 2021 dhe sipas Braçes në këtë datë ai nuk ka qenë zv.kryeministër por thjeshtë një deputet.
“Në dokumentin që zotëroj të plotë më 18 tetor 2021 nuk kam qenë zv/kryeministër”, u shpreh Braçe. Ky i fundit ia ka ‘hedhur topin’ Arben Ahmetajt që mban detyrën zv.kryeministër, pasi duke nisur nga data e dokumentit këtë detyrë e mbante dhe vazhdon ta mbajë Arben Ahmetaj.
Reagimi i plotë:
“Ka më tepër se mbi një orë që diskutohet për etikë dhe etika ndaj grave mori fund kur gjithë urrejtja u derdh mbi fletën e votimit të grisur. Këtu mori fund etika atë ditë.
Unë erdha këtu për të folur për buxhetin. Kam folur nga e para tek e fundit atij qëllimi për të folur për bujqit. Në këtë sallë ka shpifës të dënuar nga gjykata madje dhe komplotues në kurriz të njerëzve që janë në këtë sallë.
E përsëritur, e përsëritur, sigurisht ka një limit. Dokumenti i përgjimit të Tacit mban datën 18 tetor 2021. Atë document e zotëroj të plotë dhe më 18 tetor 2021 nuk kam qenë zv/kryeministër. Më 9 shtator kur u betua qeveria roli im ka qenë deputet në sallë të kuvendit”
Madje shkoi më tej duke akuzuar se ka deputetë të cilët paguhen nga Taçi ose dhe paguhen me para cash për të bërë këto skena në kuvend.
“Unë e di që në këtë sallë ka njerëz që paguhen për të shpërndarë akuza sa tek njëri tek tjetri. Do tjua provoj sa paguhen me kesh. Dhe këto historira me lufta përfundojnë tek dita e pagesës kesh.
O kam denoncuar unë transaksionet e ARMO-s o ska folur njeri në këtë sallë. Madje dhe kam kallëzuar në prokurori. Një prokuror që nuk është më e mori dosjen dhe e mbylli gojën. Armo është një varr i hapur në mes të asaj partie. Mes meje e Rezart Tacit na ndan një oqean I madh. Ka fytyra këtu që janë paguar nga Rezart Taci. Faleminderit për zyrën që më keni dhënë por është deri në tavan me dosje.”
