Ministri i Drejtësisë, Ulsi Manja, ditën e sotme ka firmosur lejen për ekstradimin e Alket Hatisë drejt Italisë, ku është dënuar me 20 vite burg për drogë. I menjëhershëm ka ardhur reagimi nga arratia e Alket Hatisë.
Hatia e ka cilësuar këtë vendim, turp për drejtësinë shqiptare. BW shkruan se ai kishte besim te institucionet, konkretisht te ministri i Drejtësisë, Ulsi Manja, ndërsa shton se drejtësia lë për të dëshiruar në këtë rast. Mes të tjerash Hatia, i cilësuar nga mediat italiane si ‘Zoti i drogës’, pohon se është bërë ‘kurban’.
MESAZHI
“I nderuar ministër kisha shumë shpresë tek drejtësia juaj shpresoja, që familja ime do gjente qetësi meqë kemi një ministër të drejte! Por drejtësia lë për të dëshiruar mesa shoh…Familja ime qenka vetëm në dorë të të madhit Zot. Ky është turp i drejtësisë shqiptare. Më bënë kurban, që fëmijët e tyre të jetojnë në komoditet”.
