Ligjërisht duhet të jetë para drejtësisë, si kontigjent penal që e përfshinë platforma anti-krim SHBA-Shqipëri dhe Dekreti i Presidentit Jo Biden, për sekuestrimin e pasurive me burim korrupsionin, ku provë është fakti, se në vitin 2005 kur u mnadatua kryeministër babai i saj, ajo kishte 39 mijë e 500 Euro kursime dhe borxh bankar 150 mijë Euro, ndërsa sot ka 1 milion USD, zyrë 210 m2 për shërbime juridike, kompleks me 17 kulla në Tiranë, 1 apartament 125 m2 dhuruar babait, 2 vila në Lalz dhe shumë pasuri të fshehura
Ndodh vetëm në Shqipëri, që në sistemin universitar shtetëror, në fakultetin ku përgatiten juristët, kandidatë për prokurorë e gjyqtarë, të japë leksione drejtësie një profesore me probleme të rënda penale, për të cilat është skeduar me dosje nga SHBA.
Është Prof. Dr. Argita Malltezi-Berisha, shpallur person “non grata”, së bashku me babain Sali Berisha, ish-President Republike e kryeministër, me nënën Liri Berisha dhe vëllain Shkëlzen Berisha, njohur si “sy-peshkaqeni” i tragjedisë së Gërdecit.
Paçka se është me këtë vendim të rëndë penal të SHBA, Dekanati i Fakultetit të Drejtësisë dhe vetë Ministria e Drejtësisë, vazhdojnë e lejojnë profesoren “non grata”, të jetë pjesë e stafit akademik të këtij fakulteti.
Madje, me Vendim nr. 242, datë 15 prill 2013 të Shkollës së Magjistraturës, është futur si lëndë mësimore e provimi edhe libri i Argitës, për ligjshmërinë dhe përvojën e koncesioneve në Shqipëri, gjatë 8 viteve kur kryeministër ishte babai saj Sali Berisha.
Profesore Argita, është cituar me emër nga DASH, si person që i ndalohet përjetësisht hyrja në territorin e SHBA, mbasi është pjesë aktive e grupit mafioz familjar “Berisha” të shpallur “non grata”.
Vendimi është për korrupsion të lartë me bazë krimin ekonomiko-financiar, për ortakëri me individë e grupe kriminale në përfitime asetesh pasurore me pasojë viktima, si dhe për pengim të qëllimshëm të drejtësisë, gjatë pushtetit të babait kryeministër.
Mirëpo Argita, vazhdon jep leksione drejtësie në fakultetin ku përgatiten kandidatë për prokurorë e gjyqtarë, kur ligjërisht duhet të jetë para drejtësisë, si kontigjent penal që e përfshinë platforma anti-krim e partneritetit SHBA-Shqipëri, dhe Dekreti i Presidentit Jo Biden, për sekuestrimin e pasurive me burim korrupsionin.
Fakt, është deklarata e pasurive personale, ku rezulton se në vitin 2005 kur nisi pushtetin babai i saj, ajo erdhi nga Kosova me 39 mijë e 500 Euro kursime dhe hua bankare 150 mijë Euro për blerje apartamenti.
Ndërsa sot, Argita Malltezi ka 1 milionë USD në banka, ka biznes me zyra 210 m2 për shërbime juridike, ka kompleks me 17 kulla në Tiranë, ka 2 vila në Lalz, 1 apartament 125 m2 dhuruar babait dhe shumë pasuri të fshehura.
Këto nuk i ka vënë me pagën si pedagoge dhe as me pagën e burrit si ambjenatalist në “FB”, por i ka vënë gjatë pushtetit të babait kryeministër, me biznes ndërtimi, transaksione financiare e tjetërsime tokash, me shitje licensash e sekserizim për koncensione dhe privatizime klienteliste te investitorët e huaj./Pamfleti
