Pas përçarjes mes degës së Miçiganit dhe asaj të Bronksit, rreth antimitingut ndaj Edi Ramës në vizitën e tij të fundit në SHBA, Muli i ka dërguar udhëzimet e fundit Ervis Kokaplarit për Vatrën:
“Siç e diskutuam herën e fundit, pasi fola me Doktorin, duhet të ndërmarrësh disa hapa urgjent ndaj degës së Vatrës në Bronks.
Së pari, të shpjegosh që armiku më i madh i shqiptarëve sot nuk është as serbi, as greku, as Enveri, por Sorosi.
Ata duhet ta kuptojnë mire këtë.
Në qoftë se nuk e kuptojnë kush është Sorosi, duhet t’u bësh një seminar për këtë çështje.
Së dyti, duhet të mbledhësh njerëzit e larguar nga Vatra nga udhëheqja e re dhe ata të kërkojnë që drejtuesit të ri të Vatrës t’i ndërrojnë mbiemrin.
Nuk mund të jetë fis Berisha një njeri që nuk reagon kundër fisit Hoti, që i ka pre në besë.
Kjo është fundi i fisit Berisha.
Nëse nuk e bëni ju, Doktori do dalë me deklaratë që ai nuk është fis Berisha, por fis Hoti i martuar në Berishë.
Së treti, duhen mbledhur të larguarit e “Vatrës” nga udheheqja e re dhe të nisin Foltoren.
Foltorja duhet të trondisë “Vatrën”, pasi udhëheqja e re ka rënë në gjumë.
Ata po flen në mes të Nju Jorkut dhe nuk shikojnë që Sorosi po shkatërron Shqipërinë.
Së katërti, duhet të caktohet një Kuvend i ri për Vatrën.
Kuvendi i ri duhet të kërkojë referendum për kryetarin.
Në fillim të ndryshohet regullorja e “Vatrës”, pasi ka që nga koha e Fan Nolit që ka qenë komunist, që nuk është ndryshuar.
Pasi të ndryshohet, duhet të shkarkohet kryetari.
Së pesti, nëse kryetari cakton Kuvend në datë tjetër, të mos shkohet, por të nxirret nga zyra me forcë.
Së fundi, kemi porosi për ty dhe Florianën të mos ktheheni në Shqipëri pa e zgjidhur këtë punë”.
