Kryeministri Edi Rama pas marrjes së dozës së tretë të vaksinës ka dhënë edhe një prononcim për mediat.
Ndër të tjera ai ka debatuar edhe me gazetarin e News24, Erjon Skëndaj, i cili pyeti se përse Shqipëria nuk e njeh imunitetin natyror.
Kreu i qeverisë iu drejtua gazetarit, duke i thënë që të vaksinohet sepse nuk do lejohet të hyjë në konferenca shtypi.
Debati i Ramës me gazetarin
Gazetari: Zoti kryeministër këto shtete që ju përmendët njohin edhe imunizimin natyror po aq sa vaksina
Rama: Çfarë do të thotë kjo?
Gazetari: Green pass.
Rama: Çfarë është green pass sipas teje?
Gazetari: Pasi kalon covidin, pas 6 muaj njihet imuniteti natyror. Madje edhe qeveria juaj e njeh këtë vetëm për shtetasit në hyrje të doganave shqiptare. Ju pse nuk e njihni imunitetin natyror?
Rama: Kjo është ajo që njeh gjithë BE-ja dhe kjo ka të bëjë me shërimin. Unë po flas për vaksinimin. Mos ngatërroni dynjanë.
Gazetari: Unë po ngatërroj dynjanë?
Rama: Po pse bëni debat me mua, unë nuk kam ardhur për debat. Unë po flas për ata që janë të pavaksinuar, pastaj çfarë përmban vendimi, është vendim dhe nuk diskutohet .
Gazetari: Ju po diskriminoni qytetarët shqiptare, nuk i pajisni me green pass natyror.
Rama: Ka ndonjë pyetje tjetër për vaksinimin.
***
Rama: Ne nuk do marrim vendime politike vetë. Mos bëni konfuzion sepse po flasim për këtë. Prandaj zotëri mos bëni konfuzion. Ne nuk e kemi përjashtuar atë që the ti.
Gazetari: Unë jam një nga ata që e kam kaluar dy herë dhe nuk më keni pajisur.
Rama: Mos krijo konfuzion, po flasim për ata që do vaksinohen. Edhe këtë që thua ti mund ta diskutojmë pa bërë konfuzion. Këtu jemi për vaksinimin.
Unë thashë që në Shqipëri ne po përballemi me një kategori njerëzish që i besojnë pallavrave të internetit dhe flasim për shfarosje të pensionisteve dhe budallaqe të kësaj natyre që janë të rrezikshme.
Prandaj zotëri…i vaksinuar je ti?
Gazetari: Jo se e kam kaluar dy herë
Rama: A nuk je vaksinuar? Epo vaksinohu sepse nuk do hysh në konferenca shtypi. Si nuk të vjen zor
Gazetari: Kam harxhuar 1 milionë e gjysmë
Rama: Si nuk të vjen zor, kjo është injorancë, është skandaloze.
