Një problem unik, i modelit tipik shqiptarë, ku plehrat bëjnë kryengritje për mos asgjësimin e tyre dhe krenohen e mburren, se sa rehat ishin kur ata që duhet t’i luftonin… vegjetonin, flinin dhe fitonin mbi turmat e tyre.
Dje ish nënkryetarja “tifoze” e grupit plehradashës, që sëbashku me kryetarin aksidental na e kthyen Tiranën në një tmerr toksik, ku edhe romët që mblidhnin kanaçe dhe mund të pastronin sadopak ndyrësinë e qytetit, filluan t’i dhunonin edhe ata, duke menduar se mund të fitonin nga varfërimi i tyre.
Besoj, se askush nuk e ka harruar kryeqytetin me kazan të mbushur, tymin e TEC-it të demokracisë Sharrë dhe tortën e madhe që u nda për qytetarët me sharrë si druvarët, për të treguar zemrën e madhe të plehraxhinjve.
Torta na u kujtua si ndotja më e madhe që u bë para syve të “kalit” të Skënderbeut, që u desh një muaj që ta merrte veten nga tmerri ndotjes dhe frika, se a ishte aty ku e kishin lënë shumë vite përpara, në shesh dhe jo në ferr.
Desh Zoti, këta pisanjos ikën! Jo se ikën vetë, por i përzuri qytetaria. Mirëpo sot pamë se edhe atje ku janë ato nuk kishin ndryshuar.
Janë po ato thasë plehrash që duhet kohë t’i pastrojmë, sepse përveç ndotjes është e padurueshme aroma kundërmuese e tyre, që pa ua ngrënë hakun ka asfiksuar shumë qytetarë dhe fshatarë, që nuk i njohin se kush janë në të vërtetë.
Sot ata kanë nisur luftën e fundit të tyre, për të plehrosur inceneratorët, djegësit e tyre dhe me shpirt nëpër dhëmb mund të humbnin si… pisanjos.
Përballë armës të së vërtetës, përfaqësuesit e plehërizimit të vendit u shkërmoqën, duke u kthyer në fallxhor që interpretonin ëndrrat e të tjerëve. Mega afera 430 milion euro ishte një fantazi, që vetëm “halet që duan të bëhen male” mund ta sajojnë.
Të imagjinosh se shqiptarëve do u “grabiten” 430 milion euro në vitin 2047, sipas kontratës afatgjatë të qeverisë për një Shqipëri ekologjike, vërtet është një çmënduri.
Të marrësh guximin e të lehësh çdo ditë për një gjoja mega aferë që ka kushtuar më pak se 78 milion euro, duke u siguruar një jetesë normale qytetarëve të qarqeve Tiranë, Elbasan, Fier, Durrës vërtet që duhet të mbyllet goja ose me zift ose me…
Të pëllasësh se impiantet ndërtohen pa para dhe incenerimi dhe përpunimi i mbetjet bëhet falas, kur ti vetë nuk i ke pastruar, as përpunuar, por i ke paguar disa herë më shumë, edhe kjo bie erë plehrash njerëzore të pa riciklueshme.
Matematika e sallës së kongreseve, që ishte mbushur me 5200 delegat kur nuk ka as 2100 ndenjëse, ishte tipike për plehrat e revoltuara, që donin inceneruesit në burg, sepse në vitin 2047 do i’u grabiten shqiptarëve 430 milion euro.
Na vjen keq, por zotrinjtë plehra duhet t’i luten Zotit të jetojnë aq gjatë, sepse do vinë kohë të vështira kur inceneratorët ta kenë përfunduar luftën me plehrat dhe dashnorët e pisllikut do duken si njerëz prehistorik te sapo dalë nga shpella./Tellalli.al
