Kryeministri Edi Rama iu qëndroi zotimit të tij për mbajtjen nën kontroll të çmimit të energjisë elektrike, pavarësisht kërkesave nga vende të ndryshme për rritjen e tij.
Në një konferencë për mediat pas samitit të NATO-s, kreu i qeverisë u shpreh se rritja e energjisë do të godiste konsumatorin familjar dhe biznesin e vogël.
Ai iu përgjigj edhe kërkesave të biznesit dhe i cilësoi ato “qiqra ndërkohë që hell i nxehtë rrotullohet në ijët e Europës”.
“Jemi i vetmi vend apo me ndonjë përjashtim, që nuk e kemi prekur çmimin e energjisë. Në të gjitha komunikimet që kemi patur në vigjilje të këtij samiti çështja themelore ka qenë rritja e çmimit të energjisë që në vendet fqinje që nga Kosova e Greqia e Italia ka
Jemi zotuar për ta mbajtur nën kontroll çmimin e energjisë se jemi të vetëdijshëm për efektin që ka dhe goditjen që sjell te konsumatori familjar dhe biznesi i vogël. Për këtë kemi bërë edhe ndryshim rrënjësor të skemës së trajtimit dhe ia kemi arritur t’ia dalim.
Më vjen keq që një grup biznesi kanë dalë më kërkesa a thua se sapo kanë zbritur nga Hëna dhe nuk kanë informacion për gjërat ën tokë. Shpresoj që ka qenë incerci në moment lajthitje se të dalësh sot të kërkosh të tilla qiqra ndërkohë që një hell i nxehtë rrotullohet në ijët e Europës, vetëm këtu bën vaki”, tha ai.
