Një fluturake e panjohur është rrëzuar në Zagreb dhe ekspertët dyshojnë se është ruse dhe se ka ardhur nga Ukraina.
Sipas medieve të huaja, përcjell Telegrafi, Drejtoria e Policisë në Zagreb ka marrë disa raportime nga qytetarët se mbrëmë kanë ndjerë një shpërthim në zonën më të gjerë të Jarunit, të cilit i ka paraprirë rënia e një objekti nga ajri.
Siç është konfirmuar jozyrtarisht për Jutarnji list, rreth konviktit lokal të studentëve janë gjetur pjesë të një fluturake, por ende nuk dihet se çfarë ka ndodhur saktësisht.
Informacionet jozyrtare mësojnë se gjatë hetimeve është konstatuar se në pjesët e fluturakes ka pasur yje me pesë cepa dhe mbishkrime në gjuhën cirilike ruse, por nuk ka asnjë konfirmim zyrtar për këtë,
Eksperti për aviacion ushtarak dhe redaktor i rubrikës “The War Zone” në portalin The Drive, Tyler Rogoway, pas shfaqjes së dëshmive vizuale, ka dhënë opinionin e tij për objektin që mbrëmë është rrëzuar në kryeqytetin kroat – Zagreb.
Në një tekst autorial, ka thënë se beson fuqishëm se bëhet fjalë për fluturake vëzhguese pa pilot Tu-141 “Strizh”, që duket se është prishur dhe kishte kaluar nëpër tërë territorin e Hungarisë apo pjesë të vendeve fqinje, dhe në Kroaci ka përfunduar duke fluturuar nga Ukraina.
“Fluturimi direk nga kufiri i Ukrainës e deri në Zagreb është 350 milje (563 kilometra). Është raportuar se Ukraina ditëve të fundit ka vënë në qarkullin fluturaket e shpejta turk pa pilot nga koha e Bashkimit Sovjetik, në kohën kur Rusia ka filluar pushtimin e këtij vendi. Ukraina është operatori i vetëm aktual i Tu-141”, tha Rogoway,
E pas analizimit të copëzave dhe raporteve të organeve të sigurisë, Rogoway thotë se vetëm një fluturake i përshtatet copëzave që kanë mbetur dhe janë gjetur në Zagreb – bëhet fjalë për Tu-141.
“Njëri prej dy krahëve ka mbetur i paprekur, që na ka mundësuar të konfirmojnë dyshimet që i kishim. Megjithatë, fakti që ky dron ka udhëtuar kaq gjatë nga kursi është e habitshme dhe alarmante. Por kjo nuk do të ishte humbja e parë e Tu-141 në luftë. Një tjetër i tillë është rrëzuar në Ukrainë disa ditë më parë”, shtoi eksperti amerikan.
https://twitter.com/Based_FIN/status/1502075701926797316?ref_src=twsrc%5Etfw%7Ctwcamp%5Etweetembed%7Ctwterm%5E1502075701926797316%7Ctwgr%5E%7Ctwcon%5Es1_c10&ref_url=https%3A%2F%2Ftelegrafi.com%2Feksperti-amerikan-aviacionit-ushtarak-jep-detaje-per-fluturaken-qe-u-rrezua-ne-zagreb%2F
