Ditën e nesërme Federata Shqiptare e Futbollit do të organizojë një Asamble zgjedhore të jashtëligjshme, ku fitues do të dal Armand Duka.
Ky i fundit është i pezulluar nga ana Gjykatës së Tiranës, por kjo nuk e ka ndalur atë që të zhvillojë në proçes fals dhe të trukuar për të vijuar mbretërimin e tij në krye të FSHF-së, institucion që ka kthyer në biznes të tijin privat.
Për tu bërë pjesë e këtyre zgjedhjeve të jashtëligjshme dhe të trukuara, nuk do të mungojnë dhe përfaqësues nga UEFA.
Nga UEFA të pranishëm në punimet e Asamblesë do të jenë anëtari i Komitetit Ekzekutiv, Zbignieë Boniek, njëkohësisht edhe një nga Zv.Presidentët e UEFA-s, si edhe dy zyrtarët, Thierry Favre dhe Luca Nicola. Ndërsa FIFA do të jetë e përfaqësuar në Asamble nga dy zyrtarët e artë, Nodar Akhalkatsi dhe Sofia Malizia.
Për dekor nuk do të mungojnë as Presidenti i Federatës së Futbollit të Kosovës, Agim Ademi (ky i fundit po trukon me të njëjtat medota si Duka zgjedhjet në Kosovë që zhvillohen në muajin prill) dhe Presidenti i Federatës së Futbollit të Maqedonisë së Veriut, Muamed Sejdini. (TemA)
