Sipas gazetës serbe “Kurir” shqiptarët po bëjnë presion gjatë blerjes masive të shtëpive dhe tokës, apo edhe rrëmbimin e tyre, për të cilat veprime kjo gazetë shkruan se janë arma më vdekjeprurëse e përdorur nga shqiptarët e Kosovës tash e 20 vite, thotë profesori Dushko nga Mitrovica.
Sipas tij, shqiptarët e Kosovës kanë një plan për të dëbuar nga Kosova shumicën e serbëve të mbetur në këtë pjesë. “Ata kanë filluar blerjen masive të pronës serbe dhe kushdo që nuk bie dakord t’i shesë ato është i detyruar nga kërcënimet dhe frikësimet”, thotë profesori serb.
Dushko thotë se shqiptarët synojnë ta ndryshojnë tërësisht përbërjen etnike të Kosovës veriore dhe ta kthejnë atë në një territor me popullsinë shumicë shqiptare.
Këto deklarata kanë ardhur nga profesor i Fakultetit Juridik në veri të Mitrovicës Dushko Celiç, i cili për Kurir thotë se blerja masive e shtëpive dhe tokës, si dhe konfiskimi i pasurisë në pronësi të serbëve, janë arma më vdekjeprurëse që për vite ka përdorur shqiptarët e Kosovës në këtë mision, transmeton arbresh.info.
Ai deklaron se më shumë se një milion komplote kadastrale janë uzurpuar, që është rreth 40 përqind e të gjitha parcelave kadastrale.
Kryetari i Komisionit Parlamentar për Kosovën, Milovan Drecun thotë se kërcënimet dhe presionet që serbët të shesin pronën e tyre dhe të lënë Kosovën janë të përditshme.
“Prona e serbëve është plaçkitja, djegia dhe vrasja. Policia nuk mbron as serbët, as pronat e tyre, dhe gjykatat i trajtojnë ata si qytetarë të rendit të dytë. Ka edhe grupe kriminale që frikësojnë dhe nxisin incidente, të cilat kanë për qëllim që serbët të largohen nga Kosova për të përfunduar pastrimi etnik”, thotë Drecun.
