Milaim Zeka shprehet se gazetarët e vërtetë numërohen me gishtat e dorës. Sipas tij, burimi i informacionit për shumë nga gazetarët janë rrjetet sociale.
“Në Shqipëri e Kosovë, gazetarët sot janë intelektualë të facebook-ut. Gazetarë që marrin informacione vetëm nga rrjetet sociale. Kudo ka të njëjtët njerëz që flasin për çdo temë, për mjekësinë, luftën, korrupsionin. Ky është një degradim total.
Gazetarët dhe televizionet sot funksionojnë me gjoba. Kështu janë bërë milionerë. Për këtë kategori të gazetarëve, Zot, Bibël, Kuran, Atdhe, është vetëm leku. Por gazetaria nuk është para, është pasion dhe korrektësi.
Imagjinoni sikur të flasë Saimir Tahiri, apo Lefter Koka, për lidhjet me gazetarët. Se sa para mund t’i kenë dhënë gazetarëve që të mos flasin. Tek afera e plehrave futet një varg i madh i plehrave të gazetarisë, por varet a duan apo nuk duan ata të flasin para prokurorisë”, u shpreh Zeka.
