Lulzim Basha në një deklaratë për mediat para Kuvendit të Shqipërisë këtë të enjte është shprehur se ai do të jetë pjesë e mbledhjeve të grupit parlamentar në momentin që diskutohet për projektet e nisura nga PD në interes të qytetarëve.
“Në çdo mbledhje të grupit parlamentar ku bëhet fjalë për avancimin e projekteve dhe që u tërhoqën zvarrë nga personi që futi përçarjen e partisë.
Në dy mbledhjet e fundit energjitë e grupit parlamentar janë përdorur në dëm të projekteve ku një i i paftuar sillet me arrogancë dhe sillet si armik për partinë dhe për popullin do të ishte një humbje”, ka thënë ai.
Ndërkohë pyetjes nëse duhet që drejtësia të nise hetimet ndaj personave të shpallur non gratam Basha iu përgjigj:
“Normalisht që po, drejtësia duhet të kishte nisur hetime me kohë, duhet ta kishte bërë këtë gjë që në momentin që janë bërë akuzat e forta’.
