Sali Berisha u shpall “non grata” afro një vit më parë, me bashkëshorten dhe dy fëmijët, shkruan newsbomb.al. Ky vendim solli dhe përjashtimin e tij nga PD, e për rrjedhojë ndarjen e partisë në dy grupime.
Grupi që mbështet non grata Berishën që njihet si Komisioni i Rithemelimit, mbajti më 30 prill Kuvendin Kombëtar dhe deklaroi një sërë vendimesh që do marrin në të ardhmen, veç zgjedhjes së kryetarit të partisë.
Aktivistja shqiptaro-amerikanen Evi Kokalari u shpreh gjatë punimeve se ata “do të heqin qafe presidentin Joe Biden” sepse sipas konservatorëve ka shkuar në mënyrë të paligjshme në Shtëpinë e Bardhë dhe “do i kthejnë vlerat Amerikës”.
Por duket se demokratët që mbështesin Berishën nuk ndalen me kaq. Ata deklarojnë se do të shpallin “non grata” dhe Fondacionin Xhorxh Soros. Kështu shkruan Endrit Hoxha, pjesë e grupimit të Berishës që për ironi vetë nuk pranon shpalljen “i padëshiruar” nga SHBA.
“Keshilli Kombetar i PD duhet te miratoje nje rezolute ku “Fondacioni Xhorxh Sorosit” duhet te shpallet non grada. Kemi luftuar politikisht per kete beteje tashme eshte koha ta bejme realitet”, shkruan Endrit Hoxha, anëtar i Këshillit të PD.
